Seniorrådgivar - M365 og brukarsikkerheit

Seksjon IKT søkjer no ein erfaren og engasjert seniorrådgivar innan IKT-systemdrift, med særleg kompetanse på Microsoft 365 og brukarsikkerheit.

Seksjon IKT har ansvar for all IKT i Vestland fylkeskommune. Seksjonen består av fem faggrupper, og denne stillinga er plassert i faggruppa IKT systemdrift.

Seksjonen har om lag 80 medarbeidarar og rundt 40 lærlingar. Vi arbeider tett saman, både i faggrupper og i tverrfaglege fagteam, for å sikre robuste, trygge og framtidsretta løysingar for om lag 32 000 brukarar.

Arbeidsoppgåver

Som seniorrådgivar i IKT systemdrift vil du vere ein sentral fagressurs innan Microsoft 365, med ansvar for drift, vidareutvikling og sikkerheit i plattforma. Arbeidsoppgåvene omfattar mellom anna:

Microsoft 365/Entra

• Implementering, drift og sikring av tenester og applikasjonar i M365/Entra-miljøet.
• Administrasjon av SharePoint og tilhøyrande system.
• Drift og forvaltning av fagsystem i samarbeid med systemeigarar og fagmiljø.

Brukarsikkerheit

• Handtering av sikkerheitshendingar og oppfølging av trusselbiletet, i samarbeid med eit etablert sikkerheitsteam på tvers av faggruppene.
• Arbeid med Defender, Conditional Access og MFA, inkludert førebyggjande tiltak og automasjon.
• Handtering av e-posttruslar og gjennomføring av phishing-øvingar for tilsette.

Anskaffingar og samarbeid

• Teknisk bistand ved anskaffing av system mot skybaserte tenester.
• Utforming av tekniske krav basert på brukarbehov.

Stillinga byr på ein variert arbeidskvardag der du arbeider både strategisk og operativt med brukarsikkerheit – frå førebyggjande tiltak til handtering av reelle sikkerheitshendingar. Du vil ha ei sentral rolle i vidareutviklinga av tenestene og bidra til å setje retning for utvikling og sikring av M365-plattforma.

Kvalifikasjonar

• Relevant høgare utdanning frå høgskule eller universitet. Relevant erfaring kan kompensere for utdanning.
• Solid erfaring med Microsoft 365, Entra og Defender.
• Erfaring frå drift av skyløysingar i større organisasjonar.
• Erfaring med brukarsikkerheit og phishing-handtering.
• Erfaring med SharePoint-administrasjon.
• Kjennskap til Infrastructure as Code (IaC), versjonskontollsystem, CI/CD-pipelines og moderne DevOps-prinsipp.
• Relevante Microsoft-sertifiseringar er ein fordel.

Personlege eigenskapar

• Sjølvstendig og strukturert.
• Sterk fagleg integritet og gjennomgåande fokus på sikkerheit.
• Proaktiv og løysingsorientert.
• Gode samarbeidsevner.
• God norsk munnleg og skriftleg framstillingsevne.

Vi er stolt av at vi har eit stabilt driftsmiljø og ønskjer å ha fleire på laget som ønskjer å bidra til at dette held seg slik også i framtid. Vi har ansvar for eit stort driftsmiljø med mange brukarar, det er difor viktig for oss at du både er fagleg sterk og evnar å arbeide sjølvstendig og strukturert. Er du god på samarbeid vil dette kom til nytte då denne rolla vil arbeide tett inn mot operativ sikkerheit og andre fageingar i seksjonen.

Vi tilbyr

• Eit godt og inkluderande arbeidsmiljø.
• Varierte og interessante arbeidsoppgåver.
• Gode pensjons- og forsikringsordningar.
• Løn etter avtale.
• Arbeidsstad i Leikanger eller Bergen.
  

Vi har eit stort og kompetent IKT-miljø som gir gode moglegheiter for fagleg utvikling. Seksjonen har høg trivsel, og vi legg til rette for både fagleg og sosialt fellesskap. Mellom anna har vi ein eigen Teams-kanal der tilsette kan ta initiativ til sosiale aktivitetar som til dømes padeltennis, fjellturar og spelekveldar.

Vi har årlege samlingar for heile avdelinga, i tillegg til eigne samlingar per fageining. Vi ønskjer at medarbeidarane våre utviklar seg i jobben, og dette legg vi til rette for gjennom intern opplæring, samt eksterne kurs og seminar.

Kontaktinformasjon

Øyvind Daae Johansen, leiar, 91730197

Arbeidsstad

Askedalen 2

6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 5125066519

Stillingsprosent: 100%

Fast

Søknadsfrist: 24.05.2026