Digger du paragrafer, flott natur og skattejakt – Nordfjordeid treng deg!

Er du ein jurist som ønskjer å jobbe med eit stort og spennande rettsområde? Har du interesse for god offentleg forvaltning og eit klart og presist språk? Vi har allereie eit sterkt tverrfagleg fagmiljø ved skattekontoret på Nordfjordeid, og ønskjer no å styrkje kompetansen vår og få fleire med på laget. Vi ser etter deg som likar saksbehandling og ynskjer å jobbe i eit kompetansemiljø. Du er sjølvstendig, nøyaktig og evnar å balansere fagleg kvalitet opp mot effektiv saksbehandling. 

Hos oss vil du bli ein del av eit godt arbeidsmiljø med medarbeidarar i ulik alder og bakgrunn. Dine tre jurist kollegaer arbeider pr i dag med fagområda lønn, meirkostnadar og sjømannsfrådrag. Vi har eit breitt kompetanseområde og legg vekt på å dele kunnskap og støtte kvarandre. Arbeidsplassen vår ligg i Statens Hus, med nye flotte fasilitetar, og eit stort tverretatleg kollegium.

Om stillinga

Du vil jobbe med saksbehandling av klagesaker i ein eigen klagepool. I tillegg vil oppgåvene dine vere juridisk bistand til saksbehandlarar og avklaringar knytt til regelverk. Du vil samarbeide tett med kollegaer både lokalt og nasjonalt, mykje via digitale flater. 

Dine arbeidsoppgåver vil vere å

• saksbehandle og kontrollere saker knytt til lønnstakarar og pensjonistar
• gje intern juridisk rådgjeving og kvalitetssikre saksbehandlinga
• samarbeide på tvers av einingar og lokasjonar
• bidra til god praksis og fagleg utvikling

Kompetanse vi treng i stillinga

Vi ser etter deg som har master i rettsvitskap/juridisk embetseksamen. Nyutdanna som leverer master våren 2026 er velkommen til å søkje, men eksamen må være bestått før oppstart i stillinga. Har du juridisk utdanning frå ein annan EØS-stat eller Sveits må du leggje ved godkjenning frå Advokattilsynet i Noreg for å vere kvalifisert søkjar.

I tillegg må du ha

• god skriftleg og munnleg framstillingsevne på norsk og engelsk
• god digital kompetanse og interesse for å lære nye digitale verktøy 
  

Det er ein fordel om du også har

• kjennskap til skatteforvaltningslova og skatterett
• erfaring frå saksbehandling

Dette ser vi etter hos deg

For å trivast og lykkast i stillinga treng vi deg som 

• kommuniserer godt med andre, formidlar bodskap på ein enkel og lettfatteleg måte, lyttar aktivt, gir konstruktive tilbakemeldingar og har ei løysingsorientert tilnærming
• tek initiativ når du ser moglegheiter for forbetring og utvikling, og handlar sjølvstendig for å få til endringar både åleine og saman med andre
• er villig til å lære, likar å lære og utvikle deg både fagleg og personleg, evnar å setje deg raskt inn i nye problemstillingar og tek ansvar utover eige ansvarsområde
• jobbar målretta, effektivt og resultatorientert, du får ting gjort og leverer gode resultat sjølv om det dukkar opp utfordringar
• trivst med å jobbe sjølvstendig samstundes som du er ein lagspelar som samarbeider godt med andre, deler kunnskap og bidreg til eit positivt arbeidsmiljø
• skapar gode relasjonar med kollegaer og andre samarbeidspartnarar, er tillitsskapande og serviceinnstilt med eit tydeleg brukar¬fokus

Kvifor skal du velje oss?

Vil du bidra i arbeidet med å sikre finansieringa av velferdssamfunnet? Alle landets innbyggjarar kjem i kontakt med Skatteetaten – og vi skal møte dei med profesjonalitet, gode løysingar og enkle prosessar. Vi håpar dette høyrest like interessant ut for deg som for oss!

Hos oss får du rammer som legg til rette for ein god balanse mellom jobb og fritid. Du får fleksitid og betalt overtid, sommartid, samt moglegheit til å trene litt i arbeidstida. Medlemskap i Statens pensjonskasse følgjer også med, og gir mellom anna ei av dei beste pensjonsordningane i Noreg.

Vi veit at mange ønskjer ein hybrid og fleksibel arbeidskvardag, med høve til å veksle mellom heimekontor og arbeid på kontoret. Dette legg vi sjølvsagt til rette for. Hos oss kan du inngå avtale om heimearbeid inntil to dagar i veka, når arbeidsoppgåvene tilseier at det let seg gjere.

Du blir tilsett som skattejurist eller seniorskattejurist med ei årsløn mellom kr 600 000 og kr 800 000, avhengig av kvalifikasjonane dine. Dei første seks månadene blir rekna som prøvetid.

Nordfjordeid ligg i hjartet av Nordfjord – ein region der fjell møter fjord, og der opplevingane startar rett utanfor døra. Her er det kort veg frå toppturar og via ferrata, til surfebølgjer og sandstrender langs kysten, og til sterke kultur- og konsertopplevingar i Operahuset Nordfjord. Så enten du er glad i aktive dagar ute, kulturliv eller rolege stunder med familie/vener, byr Nordfjord på ein kvardag med stor variasjon og høg livskvalitet.

Viktig å vite før du søkjer

Vi bruker ikkje søknadsbrev: Når du søkjer på stillinga, treng du ikkje skrive søknadsbrev, men levere ein utfyllande CV der du får fram kva du har gjort tidlegare som gjer deg kvalifisert til jobben. Ta med kva oppgåver og fagområde du har hatt ansvar for, og kva resultat du har oppnådd. Det er fint om du legg ved vitnemål, karakterutskrifter og relevante attestar.

Omvend referansesjekk: For at du skal kjenne deg trygg i valet om å jobbe hos oss, tilbyr vi omvend referansesjekk. Dersom du er aktuell for stillinga, vil du få tilbod om å ta kontakt med nokre av medarbeidarane våre slik at du kan stille dei spørsmåla du ønskjer, og finne ut om vi er ein god match.

Mangfald og likestilling: Vi er på jobb for alle, og ønskjer å vere ein god arbeidsplass for alle. Likeverd, likestilling og mangfald er ein del av kulturen vår, og vi har nulltoleranse for diskriminerande praksis og åtferd. Har du hol i CV-en, funksjonsnedsetjing eller innvandrarbakgrunn, oppmodar vi deg om å krysse av for dette når du søkjer. Det kan gi moglegheit for positiv særbehandling. Vi kallar alltid inn minst éin kvalifisert kandidat frå kvar av desse gruppene til intervju.

Offentleg søkjarliste: Ver merksam på at namnet ditt vil stå på ei offentleg søkjarliste når du søkjer jobb hos oss. Du kan be om å bli unnateken frå lista ved å grunngje dette, og vi vil vurdere førespurnaden din nærare.

Bakgrunnssjekk: Vi gjennomfører bakgrunnssjekk av aktuelle kandidatar og stadfestar utdanning og arbeidserfaring.

Om arbeidsgivaren

Vel ein jobb der du får utfordra deg sjølv gjennom å løyse utfordringar for andre. Vi sikrar finansieringa av velferdssamfunnet ved å sørgje for at alle bidrar med det dei skal. Vi gjer det på vegner av fellesskapen, fordi velferda er noko som kjem alle til gode. Folk har høg tillit til oss, og vi jobbar kvar dag for å fortene denne. Vi består av eit direktorat, fem divisjonar med landsdekkjande ansvar og, viktigast av alt: litt over 7000 engasjerte medarbeidarar som er stolte av arbeidsplassen sin. Vil du bli enda betre kjent med oss og alt vi held på med? Les meir på skatteetaten.no

Kontaktinformasjon

Kristin Vik Sparvath, underdirektør, 975 56 956

Arbeidssted

Rådhusvegen 8

6770 Nordfjordeid

Nøkkelinformasjon:

Arbeidsgiver: Skatteetaten

Referansenr.: 5120123633

Stillingsprosent: 100%

Fast

Søknadsfrist: 19.05.2026