Helse Førde lyser ut fire utdanningsstillingar for sjukepleiarar som skal ta vidareutdanning som jordmor. Ordninga inneber løn under utdanning, og det blir gitt fast stilling som jordmor ved Kvinneklinikken etter fullført og bestått utdanning.
Stillingane er fordelt mellom Lærdal sjukehus og Førde sentralsjukehus.
God Start, Lærdal - 1 utdanningsstilling 🦋
Stillinga er knytt til God Start ved Lærdal sjukehus. Eininga har ansvar for:
- Barselomsorg
- Svangerskaps -og barselpoliklinikk
- Følgeteneste for gravide med lang reiseveg til nærmaste sjukehus.
Stillingane ved Førde sentralsjukehus inneber praksis innan:
- Oppfølging av gravide
- Fødselshjelp
- Barselomsorg
- Gynekologi
- Følgeteneste for gravide
Kvifor velje jordmorutdanning i Helse Førde?
Som jordmor spelar du ei avgjerande rolle i omsorgen for gravide kvinner før, under og etter fødselen. Utdanninga gir deg høg klinisk kompetanse, og moglegheit til å arbeide med fagutvikling og forsking.
Du blir ein viktig fagperson for å gje kvinner og familiar moglegheit til meistring i eigen livssituasjon.
Krav til søkjar
Føresetnad for å nytte seg av tilbodet er at ein kan dokumentere studieplass for relevant utdanning ved ein av høgskulane i landet.
Personlege eigenskapar vil bli vektlagt.
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter. Har du utdanning frå utlandet, legg ved godkjenning frå Direktoratet for høgare utdanning og kompetanse.
Ingeborg E.Frøysland, Seksjonsleiar/jordmor i Lærdal, (+47) 576 40 231
Kristin Opseth Rygg, Seksjonsleiar/jordmor i Førde., (+47) 578 39 688
Svanehaugvegen 2
6812 Førde
Arbeidsgivar: Helse Førde
Referansenr.: 5087633357
Stillingsprosent: 100%
Fast
Søknadsfrist: 30.04.2026
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.