Barne- og ungdomsklinikken (BUK) har 2 ledige vikariat i 100% stilling som Lege i spesialisering innan generell pediatri i 6-8 mnd frå og med 01.06.2026 med moglegheit for forlenging.
Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i Glasblokkene ved Haukeland universitetssjukehus.
Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida.
BUK har 68 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2025 hadde vi totalt 330 årsverk, nærare 4 000 innleggingar og 32 000 polikliniske konsultasjonar.
Vi søker etter inntil 2 engasjerte LIS-legar med påbyrja spesialisering i barnemedisin eller som ønsker å utdanne seg til barnelege, eventuelt LIS som ønsker pediatri som sideutdanning. Vikariata kan telje som del av spesialistutdanninga.
Les meir om oss: Barne- og ungdomsklinikken
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Ninnie Helen Bakken Oehme, Overlege, 90540556
Haukelandsbakken 1
5021 BERGEN
Arbeidsgivar: Helse Bergen HF
Referansenr.: 5062015566
Stillingsprosent: 100%
Vikariat
Søknadsfrist: 30.04.2026
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.