Vi har ledig ei 100 prosents fast stilling for helsefagarbeidar. Eggesbøtun ligg ved omsorgssentret på Eggesbønes og består av 15 bustadar i bufellesskap med heildøgnsbemanning. Det er også 12 bustadar ved Eldretun med delvis bemanning knytt til tenesta. Her jobbar vi med å gi individuelt tilpassa omsorg til bebuarane, med mål om å tilby tenester av god kvalitet saman med dyktige tilsette. Stillinga er organisert i todelt turnus i årsplan, med moglegheit for noko nattarbeid om ynskjeleg. Det er arbeid tredjekvar helg, men vi ynskjer å prøve ut langhelg med arbeid tre av tolv helgar. Vi søkjer deg som likar faglege utfordringar, ser løysingar, er handlekraftig og ynskjer å bidra til å utforme tenester av høg kvalitet til brukarane våre.
Arbeidsoppgåver
- individtilpassa pleie- og omsorgsoppgåver som personleg hygiene, ernæring og legemiddelhandtering
- utarbeide og fylgje opp tiltaksplan
- dokumentasjon etter gjeldande lovverk
- rettleie og samarbeide med anna helsepersonell
- rettleie og samarbeide med pårørande
- bidra til kompetanseutvikling og fagleg ajourhald for å kvalitetssikre tenesta
- miljøarbeid for å gi innhaldsrike og gode dagar for pasientane våre
Kvalifikasjonar
- norsk autorisasjon som helsefagarbeidar
- vidareutdanning innanfor geriatri og/eller demenssjukdom kan vere ein fordel
- erfaring frå arbeid i sjukeheim/heildøgnsbemanna omsorgsbustad kan vere ein fordel
- kan bruke IKT som arbeidsverktøy (erfaring med Gerica er ein fordel)
- har god munnleg og skriftleg framstillingsevne
Kommunen har nynorsk som administrasjonsmål. Vi ber om at du laster opp vitnemål og attestar i Webcruiter saman med søknaden.
Autorisasjon og politattest må leggast fram før tilsetting.
Personlege eigenskapar
- likar faglege utfordringar og er opptatt av å utvikle gode tenester
- er strukturert, sjølvstendig og evnar å prioritere arbeidsoppgåver
- kommuniserer klart og tydeleg både med brukarar, pårørande og kollegaer
- er til å stole på og utfører oppgåvene sine samvitsfullt
- kan handtere utfordrande situasjonar roleg og profesjonelt
- møter brukarar og kollegaer med eit smil og ei positiv haldning, også i krevjande situasjonar
- bidreg til å skape trivsel på arbeidsplassen
- gode samarbeids- og relasjonseigenskapar
- kan bidra til godt samarbeid på tvers av seksjonane
- har fokus på heilskaplege pasientforløp
- vi legg stor vekt på personlege eigenskapar i tillegg til utdanning og erfaring.
Vi tilbyr
- løn etter gjeldande tariffavtale
- gode forsikrings- og pensjonsordningar i KLP
- fagdag i turnus
- stipendordningar ved vidareutdanning som er i tråd med kompetanseplanen i helse og omsorg
- godt arbeidsmiljø med fokus på fagkompetanse
- digitale kurs gjennom Glup og Visma Veilederen
- IA- bedrift
- Vi tilset på dei vilkåra som går fram av gjeldande tariffavtale, lover og reglement.
Aktuelle kandidater kan verte kalla inn til intervju. Søkjarlista kan verte offentleggjort.
Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med kr. 25 000 kroner når året er gått. Dette gjeld også dersom du flyttar til kommunen etter denne datoen.
Kontaktinformasjon
Margrethe Djupvik, Seksjonsleiar
Arbeidsstad
Sjukeheimsvegen 5
6092 FOSNAVÅG
Nøkkelinformasjon:
Arbeidsgivar: Herøy kommune
Referansenr.: 5120971028
Stillingsprosent: 100%
Fast
Søknadsfrist: 29.05.2026