Frå 10.08.2026 er det ledig 80 % vikariat som helsesjukepleiar i Volda kommune. Vikariatet er t.o.m 31.12.26, men det kan bli høve til forlenging.
Helsestasjonen i Volda omfattar svangerskaps- og barselomsorg, helsestasjons- og skulehelseteneste, helsestasjon for ungdom og studentar, helseteneste for flyktningar samt yrkes- og reisevaksinering. Helsestasjonen inngår i avdeling Barn og familie, saman med seksjon Familie- og ungdomsstøtte.
Vi søker etter deg som har engasjement for førebyggjande og helsefremjande arbeid og er engasjert i at barn og unge skal ha gode oppvekstsvilkår.
Volda er ei BTI-kommune (betre tverrfagleg innsats), og som tilsett her er du positivt forplikta til å innrette arbeidet etter denne modellen for samhandling.
I stillinga inngår ordinært arbeid innan helsestasjons- og skulehelseteneste knytt til dei ulike områda dette omfattar. Arbeidsoppgåvene vil kunne bli endra/ utvida ut frå avdelinga sitt samla behov.
Sjukepleiar med vidareutdanning som helsesjukepleiar
Sjukepleiar under utdanning til helsesjukepleiar vil også bli vurdert
Må kunne meistre dei digitale verktya og programma som er naudsynte i arbeidet.
Både utdanning, erfaring og personlege eigenskapar vert vektlagde
Vi ber om at søkjar lastar opp vitnemål og attestar og legg dette ved søknaden i webcruiter.
I samsvar med offentleglova § 25, har søkjar høve til å be om unntak frå offentleg søkjarliste. Dette må grunngjevast i søknaden. Søkjaren sine behov vil bli vurdert konkret opp mot omsynet til offentleg interesse og kravet om innsyn. Dersom kommunen meiner at det ikkje er grunnlag for fritak, vil søkjar bli kontakta og få tilbod om å trekkje søknaden før endeleg søkjarliste blir utforma.
Kari-Janne Ljones Kulø, +47 99435473
Stormyra 2
6100 Volda
Arbeidsgivar: Volda kommune
Referansenr.: 5125886089
Stillingsprosent: 80%
Vikar
Startdato: 10.08.2026
Sluttdato: 31.12.2026
Søknadsfrist: 22.05.2026
Volda kommune er den største kommunen på Søre Sunnmøre og den femte største i Møre og Romsdal når det gjeld folketal, med 11 131 personar. Kommunen ligg strategisk til midt i kryssinga mellom fylker og regionar, med kort veg til ruvande fjell og djupblåe fjordar og vatn. Det er kort veg til dei majestetiske Sunnmørsalpane og eit stort utval av turløyper som passar heile familien.
I Volda finn du både høgskule og sjukehus, noko som bringer eit stor mangfald av menneske frå heile landet hit. Med eit yrande student- og kulturliv gjennomførast det tradisjonsrike festivalar heile året og vi har mange lag og organisasjonar ein kan engasjere seg i.
Det er om lag 1.000 engasjerte tilsette i kommuneorganisasjonen som kvar dag gjer ein viktig jobb for innbyggjarane i kommunen. Om du også ønsker å ha ein meiningsfylt og spennande arbeidskvardag, oppmoda vi deg til å søke på stillingane kommunen lyser ut.
Ta gjerne ein tur innom Volda kommune si heimeside for å bli betre kjent med oss!
Fleire ledige stillingar i Volda kommune