Helsesjukepleiar

Om stillinga

Vi søkjer ein dyktig og engasjert helsesjukepleiar til vårt team ved Sveio helsestasjon. 

Sveio helsestasjon består av jordmor og erfarne helsesjukepleiarar og er ein del av den nyetablerte Eining for barn og familie i kommunen. I denne eininga har vi samla sentrale tenester for barn, unge og deira familiar som jordmortenesta, helsestasjon- og skulehelsetenesta, familierettleiarar, psykisk helseteneste for barn og unge, ressursteam og koordinator barn og unge. 

Den einskilde tenesteytar og hjelpetenestene skal samarbeida til det beste for det einskilde barnet og familien og til saman utgjera eit godt lag. Sveio kommune nyttar BTI (Betre Tverrfagleg Innsats) som samhandlingsmodell for å sikra godt samarbeid mellom tenestene, tidlig hjelp og brukarmedverknad. Felles kompetanseheving og fagleg utvikling sentralt i etablering av ny eining. 

Arbeidsoppgåver

Sveio Helsestasjon er ei førebyggjande, helsefremjande og tverrfagleg helseteneste som gir eit heilskapleg tilbod til innbyggarane i kommune. Som helsesjukepleiar får ein ivareta oppgåver innan helsestasjon og i skulehelsetenesta som:

• Tett og heilskapleg oppfølging av sped- og småbarn og deira familie som helseundersøkingar, vaksinasjon, rettleiing og oppsøkjande verksemd
• Bidra til at føresette opplever meistring i foreldrerolla
• Planlegge og gjennomføre barsel- og foreldregrupper (ICDP)
• Samarbeid med jordmor, lege og fysioterapeut samt andre sentrale samarbeidspartnarar
• Førebyggande arbeid
• I skulehelsetenesta deltek ein i skulen sitt arbeid med tiltak på universelt-, gruppe- og individnivå. Dette som samarbeid med leiinga knytt til problemstillingar på systemnivå eller undervisning i grupper etter aktuelle tema. I tillegg er det etablert ein god kultur for "open dør" med individuelle samtalar for elevane
• Smittevern og flyktninghelseteneste 

Kvalifikasjonar

Vi søkjer deg som:

• Er autorisert sjukepleiar med vidareutdanning som helsesjukepleiar. Helsesjukepleiarstudentar kan også søkje
• Har gode norskkunnskapar munnleg og skriftleg
• Har førarkort klasse B og kan disponera eigen bil i arbeidet
• Har godkjent politiattest
• Har sertifisering i og erfaring med foreldrerettleiingsprogram som ICDP eller COS-P 

Personlege eigenskapar

• Du er lyttande, skaper tillit og dannar gode relasjonar til barn, unge og føresette
• Du er oppteken av at barn og ungdom vert høyrt, involvert og får medverka
• Du har gode samarbeidsferdigheiter og er god i kommunikasjon med andre
• Du er sjølvstendig, strukturert og tek ansvar
• Du er faglig engasjert og er oppteken av utvikling

• Du er fleksibel og løysingsorientert

  Personleg dugleik blir tillagt stor vekt

Vi tilbyr

• Utfordrande og lærerikt arbeid i eit engasjert og fagleg kompetent arbeidsfellesskap 
• Eit fagmiljø under utvikling som du får vere med å påverke og utvikle
• Løn etter avtale, og gode pensjons- og forsikringsordningar