Leiar for utvikling og innovasjon

Rehabiliteringssenteret AiR -- Oslo

AiR har eit tydeleg samfunnsoppdrag:Å hjelpe menneske med helseutfordringar til å stå i arbeid. AiR har hovudsete i Rauland i Vinje kommune, ei avdeling i Oslo, samt ei eiga forskings- og innovasjonseining. Vi er ein ideell organisasjon eigd av partane i arbeidslivet. I snart 40 år har våre tverrfaglege team støtta nærare 30.000 sjukemelde med ulike helse- og livsutfordringar til å stå i arbeid. Vi har sterke fagmiljø, høg fagkompetanse og lang erfaring. No er vi i ein fase der denne kompetansen skal gjerast relevant for nye marknadar.

AiR søkjer ein drivande og resultatorientert leiar for utvikling og innovasjon som skaper tempo, framdrift og bruk av tenestene våre hos nye kundar og samarbeidspartnarar.

Dette er ei rolle for deg med sterk gjennomføringsevne og forretningsforståing -- og som evnar å omsetje behov i marknaden til konkrete, berekraftige løysingar. Du trivst i operativt arbeid, tett samspel med andre og i roller der ikkje alt er ferdig definert.

Stillinga har ansvar for utvikling og innovasjon av nye tenester, i første omgang digitale tenester - mellom anna vidareutvikling av AiR Digital.

Rolla er operativ og jobbar tett saman med leiar for marknad og produktansvarleg. Leiaransvaret handlar først og fremst om retning, prioritering og framdrift, meir enn personalleiing. Stillinga inngår i AiR si leiargruppe.

Du vil jobbe tett på kundar, samarbeidspartnarar og interne fagmiljø, og vere ei sentral drivkraft i å omsetje innsikt frå marknaden til praktiske og relevante løysingar.

Ansvarsområde

• Samarbeid med nye kundar og partnarar, særleg større verksemder samt forsikrings- og pensjonsmiljø

• Forstå kundebehov og omsetje desse til tydelege og relevante tilbod

• Bidra til at AiR sine tenester, særleg AiR Digital, blir tekne i bruk og vidareutvikla basert på erfaringar frå marknaden

• Sikre tempo og framdrift i utviklingsløp i tett samspel med leiar for marknad og produktansvarleg

• Bidra til berekraftige inntektsmodellar innanfor AiR sitt ideelle formål og samfunnsoppdrag

Kven vi ser etter

• Ein person med dokumentert erfaring frå forretningsutvikling, innovasjon eller skalering av tenester, gjerne digitale

• Som har god forståing for samanhengen mellom kundebehov, kvalitet og økonomisk berekraft

• Som trivst i samarbeid og jobbar godt i komplekse og uavklarte situasjonar

• Har god forståing for digitale løysingar

Formell utdanning er mindre viktig enn erfaring, driv og gjennomføringsevne. Kjennskap til arbeidsliv, helse eller relaterte område er ein fordel, men ikkje eit krav.

Personlege eigenskapar

• Høg gjennomføringsevne og høg arbeidskapasitet

• Evne til å stå i krevjande utviklingsprosessar over tid

• Gode samarbeids- og relasjonsevner

Vi tilbyr

• Ei nøkkelrolle i ei ideell verksemd med eit tydeleg samfunnsoppdrag

• Stor påverknadskraft og korte avgjerdsvegar

• Tett samarbeid med dyktige og engasjerte kollegaer frå ulike fagmiljø

• Moglegheit til å utvikle tenester som gir varig verdi for enkeltmenneske og samfunn

• Arbeidsstad: Oslo