Ved Høgskulen på Vestlandet (HVL) er det ledig ei midlertidig stilling i 100 % som førsteamanuensis/førstelektor/høgskulelektor i pedagogikk ved Fakultet for lærarutdanning, kultur og idrett, campus Stord
Stillinga inngår i Institutt for pedagogikk, religion og samfunnsfag og er ledig for studieåret 2026/2027 t.o.m. 31.07.2027. Tiltreding så raskt som mogleg.
Arbeidsstaden er campus Stord.
Ansvars- og arbeidsoppgåver:
Stillinga har følgjande ansvars- og arbeidsoppgåver:
- Undervise, rettleie, vurdere, følge opp studentar i praksis, og utvikle studentaktive læringsformer i tråd med krav i universitets- og høgskuleforskrifta. Undervisinga skal i hovudsak dekke pedagogiske- og spesialpedagogiske tema i grunnskulelærarutdanningane (integrert 5-årig master) og PPU, men arbeid i andre utdanningar, kurs og oppdrag, kan bli aktuelt avhengig av søkar sin kompetanse og instituttet sine behov.
- Institusjonsbyggjande arbeid irekna fagadministrative oppgåver, internasjonalisering og samhandling med eksterne partnarar.
- Noko reising må påreknast.
Kvalifikasjonskrav:
Formell utdanning og kompetanse:
Kriteria for tilsetting i undervisnings- og forskarstilling går fram av Forskrift til universitets- og høyskoleloven.
For tilsetting som førsteamanuensis må søkar ha avlagt doktorgrad i pedagogikk eller i eit fagområde med høg relevans for undervisning i pedagogikk/spesialpedagogikk.
For tilsetting som førstelektor må søkjar dokumentere kompetanse i samsvar med forskrifta og med tilsvarande relevanskrav som for førsteamanuensis.
For tilsetting som høgskulelektor må søkjar ha hovudfag/mastergrad med gode resultat, normalt A eller B på masteroppgåva, innanfor same fagfelt som for førsteamanuensis/førstelektor.
Personlege eigenskapar:
- Den som blir tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel
- Høgt etisk medvit i møte med studentar er påkravd
- Den som blir tilsett må ha god evne til å kommunisere og samarbeide med studentar og kollegaer og vere personleg egna for stillinga
Språkkrav:
Undervisningsspråket er norsk og søkar må ha god skriftleg og munnleg framstillingsevne på norsk eller eit anna skandinavisk språk.
Følgande tel positivt i vurderinga og vert lagt vekt på ved rangering av kvalifiserte søkjarar:
- Arbeidserfaring med og kunnskap om barn og unges motivasjon, læreprosessar og utvikling, inkludert lærevanskar (fortrinnsvis innan matematikk)
- Erfaring og kunnskap om profesjonell utvikling, etikk, skulen i samfunnet og læreplanarbeid
- Erfaring og kunnskap om begynnaropplæring, lærarrolle, klasse-/skolemiljø, mangfold og inkludering
- Undervisnings- og rettleiingserfaring på høgskulenivå, fortrinnsvis frå lærarutdanning
- Interesse for nytenkning og innovasjon innan utdanning, forsking og utviklingsarbeid
Aktuelle kandidatar blir kalla inn til intervju.
Korleis søkje på stillinga?
Send søknad og CV ved å klikke på knappen merka ”Søk stillinga” på denne sida.
Vi gjer merksam på at søknader blir vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkar sitt ansvar å sørge for at alle relevante vedlegg er lagt inn innan fristen, irekna:
- Vitskaplege arbeid (inntil 5 stk.)
- Fullstendig publikasjonsliste
- Attestar og vitnemål.
Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggast ved som lenke, total maksgrense for opplasting av vedlegg er 50 MB.
Søkarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.
HK-dir tilbyr automatisk godkjenning for enkelte gradar frå utvalde land. Dersom utdanninga til søkaren er dekka av ordninga med automatisk godkjenning, vil det vera tilstrekkeleg å legge ved dokumentasjon på dette. Du kan lese meir om ordninga med automatisk godkjenning her.
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogleg når du veit at du vil søke på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadar kan ikkje sendast på e-post til enkeltpersonar ved høgskulen.
Vi tilbyr:
- Gode pensjons- og forsikringsordningar i Statens pensjonskasse
- Spanande fagmiljø med moglegheit for kompetanseheving - og utvikling
- Høve for trening i arbeidstida
Stillinga er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.
Frå løna vert det trekt 2 % innskot til Statens pensjonskasse.
Generell informasjon:
Vi gjer merksam på at unntak frå den offentlege søkarlista blir handsama etter reglane i Offentleglova. Søkarar som har bede om slikt unntak, blir varsla dersom ønsket ikkje blir tatt til følge.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadene.
Inkludere, utfordre og samhandle
Les meir på våre heimesider.