Seniorrådgjevar undervisnings- og læringsstøtte

Dette er NTNU

NTNU er eit breiddeuniversitet med ein teknisk-naturvitskapleg hovudprofil og eit tyngdepunkt

innan profesjonsutdanning. Universitetet er lokalisert i tre byar med hovudsete i Trondheim.

På NTNU jobbar 9 000 tilsette og 43 000 studentar med å skapa kunnskap for ei betre verda.

Video:

Om stillinga

Seksjon for læringsstøtte og digitale tenester lyser ut 1 fast 100 % seniorrådgjevarstilling i Eining for læring og teknologi.

Seksjonen ligg under Avdeling for utdanning og er samansett av fem einingar.

Eining for læring og teknologi har 28 engasjerte medarbeidarar, og eit breitt kompetanse- og ansvarsområde som mellom anna omfattar utvikling av undervisning og læring, anskaffing og forvaltning av undervisnings- og vurderingssystem og læringsteknologiar, utvikling av digitale læringsressursar, og eksamensgjennomføring.

Eininga skaper utdanningskvalitet gjennom å støtte NTNU i utviklinga og nyttinga av varierte og studentaktive undervisnings-, lærings- og vurderingsformar. Målgruppene til eininga er NTNU sine undervisarar, fagmiljø, leiarar og administrativt tilsette på alle nivå i organisasjonen.

Din næraste leiar er einingsleiar ved Eining for læring og teknologi.

Du kan lese meir om eininga og seksjonen her: Seksjon for læringsstøtte (SLD) https://www.ntnu.no/adm/aud/sld
 

Arbeidsoppgåver

• Utforme og leie utviklinga av ei heilskapleg forvaltning av system og tenester på utdanningsområdet
• Leie forvaltningsleiarteamet, som består av forvaltingsleiarar frå dei ulike produktområda
• Leie tverrfaglege team som handterer merkantile oppgåver innan systemanskaffing og systemforvaltning (anbod, RFI, lovverk og avtalar, kontraktsoppfølging, økonomi og DPIA)
• Utgreie og rådgje om innkjøp, forsvarleg forvaltning og bruk av NTNU sine digitale system og tenester
• Samarbeide tett med interne støtte- og administrative einingar, fagmiljø og avdelingar i Fellesadministrasjonen
• Arbeide med kommunikasjon og dialog med fagmiljø, administrative einingar, systemleverandørar, SIKT og aktørar i UH-sektoren
• Sikre at produktområdestrategien til Avdeling for utdanning er oppdatert og vert følgt opp
• Representere Avdeling for utdanning i personvernklynga og samarbeide med juristar på utdanningsområdet
• Følgje opp avtalar og sikre etterleving av avtaleforpliktingar

Kvalifikasjonskrav

• Relevant utdanning på masternivå. Lang og relevant røynsle kan kompensere for utdanningskravet
• Inngåande kjennskap til offentleg forvaltning, økonomistyring og regelverk knytt til systemanskaffingar
• Særs god forståing for IT-system og evne til raskt å setje seg inn i ny teknologi.
• Erfaring med prosjektleiing eller leiing av tverrfaglege team eller grupper.
• Erfaring frå kommunikasjons- og formidlingsarbeid
• Gode munnlege og skriftlege ferdigheiter på både norsk og engelsk

Ønskja kvalifikasjonar

• Røynsle frå UH-sektoren 
• Erfaring med å utvikle og utforme strategiar og planverk
• Kunnskap om lovverk og juridiske problemstillingar som gjeld fagområdet 

I vurderinga av dei best kvalifiserte kandidatane vil vi leggje vekt på utdanning, erfaring, personlege eigenskapar og motivasjon for stillinga.

Personlege eigenskapar 

Du:

• tek initiativ, tenkjer analytisk og ser samanhengar 
• arbeider systematisk og er tydeleg løysingsorientert 
• har gode samarbeidsevner og bidreg konstruktivt i team 
• evnar å engasjere andre og kommuniserer klart og tydeleg 
• set deg raskt inn i nye problemstillingar og finn gode løysingar

Vi tilbyr 

• høve til å bidra til utvikling av utdanning, forsking og innovasjon i ein spennande jobb ved Noregs største universitet med eit viktig samfunnsoppdrag – kunnskap for ei betre verd
• interessante oppgåver innan eit fagområde i utvikling 
• eit opent, inkluderande og engasjerande arbeidsmiljø med dyktige kollegaer
• gunstige vilkår i Statens pensjonskasse, samt attraktive tilsettegodar og velferdsordningar
• gode moglegheiter for kompetanseutvikling og karrierebygging

NTNU – inkludering og mangfald

Mangfald er ein styrkje, og ved NTNU har vi eit mål om å vere ein arbeidsgjevar som speglar mangfaldet i samfunnet og tek i bruk potensialet i den samla kompetansen i befolkninga. Vår visjon er Kunnskap for ei betre verd og våre verdier er kreativ, kritisk, konstruktiv og respektfull.  Vi trur at ei verksemd som er likestilt, mangfaldig og kjønnsbalansert er avgjerande for at vi saman når måla våre. 

Vi ynskjer difor medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning.

Løn og vilkår 

Stillinga som seniorrådgjevar kode 1364 blir normalt løna frå brutto kr 680.000-800.000 pr år, avhengig av ansiennitet og kvalifikasjonar. Frå̊ løna blir det trekt 2 % lovfest innskott til Statens Pensjonskasse.

Tilsettinga skjer på dei vilkår som til ei kvar tid gjeld for tilsette i staten, og etter tilsettinga lyt ein rekne med at det kan skje endringar i arbeidsområde.

Tilsettinga blir gjennomført etter prinsippa i statsansatteloven, og lovverk som regulerer eksport av kunnskap, teknologi og tenester. Etter tilsettinga må du rekne med at det kan skje endringar i arbeidsområdet.

Om søknaden

Vi gjer merksam på at søknaden berre blir vurdert ut frå informasjonen vi har fått når søknadsfristen har gått ut. Sørg difor for at søknaden din tydeleg viser korleis dine ferdigheiter og erfaringar oppfyller kriteria som er skildra over.

Søknaden må innehalde:

·             CV, attestar og vitnemål

Viss heile eller delar av utdanninga di er gjennomført i utlandet, ber vi deg legge ved dokumentasjon på omfang og kvalitet for heile utdanningsløp ditt, både bachelor- og masterutdanning, i tillegg til anna høgare utdanning. Skildring av kva dokumentasjon som er naudsynt finn du her. Dersom du allereie har ein profil frå HK-dir, er det fint om du legg ved den også.

For å gjere rekrutteringsprosessen meir effektiv og rettferdig, har vi vald å ikkje be om søknadsbrev. Vi ynskjer å fokusere på det som er den faglege tyngda til den enkelte – kompetansen, erfaringa og motivasjonen din for stillinga. Du treng difor berre å sende inn CV og vitnemål/attestar som tydeleg skildrar korleis ferdigheitene og erfaringane dine oppfyller kriteria som er skildra i utlysingsteksten, og svare på nokre enkle spørsmål knytte til stillinga. 

På førespurnad må du kunne legge fram stadfesta kopiar av dokumentasjonen din. Som ein del av rekrutteringsprosessen kan det bli gjennomført bakgrunnssjekk av aktuelle kandidatar.

Kunstig intelligens (KI) kan nyttast som støtte til enkelte administrative oppgåver, til dømes å utarbeide caseoppgåver eller forslag til intervjuspørsmål. Alle vurderingar og avgjersler i rekrutteringsprosessen vert utført av menneske.

Offentleg søkjarliste med namn, alder, stillingstittel og bustadkommune blir utarbeidd etter at søknadsfristen er gått ut. Dersom du ynskjer å reservere deg frå oppføring på offentleg søkjarliste, må dette grunngjevast. Vurdering vil bli gjort i samsvar med gjeldande regelverk. Du vil bli varsla dersom reservasjonen ikkje blir teken til følgje.

Spørsmål om stillinga kan rettast til leiar for Eining for læring og teknologi, Silje Belsvik Taftø, på tlf.: 95836389 eller e-post: silje.b.tafto@ntnu.no 

Søknad med CV, vitnemål og attestar skal sendast elektronisk via Jobbnorge.no. Søkarar som blir invitert til intervju må ta med stadfesta kopiar av attestar og vitnemål. Søknaden merkast med referansenummer: NTNU-nr 27-26 

 Søknadsfrist: 14.05.26