Sjukepleiar - 100 % mellombels stilling - heimebaserte tenester

Er du vår nye sjukepleiarkollega?

Me i heimebaserte tenester  søker ein dyktig kollega til teamet vårt. Stillinga er ei 100 % mellombels stilling med oppstart snarast og varigheit til 31.12.2026. Me gjev helsehjelp til menneske i alle fasar i livet og legg til rette for at innbyggarane kan bu trygt og godt i eigen heim så lenge som mogleg.

Hos oss får du ein variert arbeidskvardag, med høve til å jobbe sjølvstendig og i team - alltid med brukaren i sentrum. Me tilbyr god opplæring, rettleiing og fagleg utvikling gjennom kurs, internundervisning og refleksjonar i kollegagruppa. 

Du blir ein del av eit inkluderande arbeidsmiljø der latteren sit laust, og der me samarbeider godt, støtter kvarandre og finn løysingar saman i ein travel og variert arbeidskvardag.

Arbeidsoppgåver 

Oppgåver i heimetenesta:

• Utføre praktisk sjukepleie- og omsorgsoppgåver i samsvar med planar og individuelle behov.
• Fremme brukaren si eigenmeistring og bidra til tryggleik og livskvalitet i kvardagen.
• Planlegge, vurdere og koordinere tenester, samt iversette mål og tiltak i samarbeid med brukarar og pårørande.
• Delta aktivt i fagutvikling og kvalitetsarbeid.
• Dokumentere og rapportere i fagsystema.
• Bidra til eit godt arbeidsmiljø.

Kvalifikasjonskrav

Me ser etter deg som: 

• Har norsk autorisasjon som sjukepleiar.
• Erfaring med brukargruppa og arbeid med pårørande i alle aldrar.
• Erfaring med kollegarettleiing.
• God kjennskap til velferdsteknologi.
• Har førarkort klasse B
• Gode norskkunnskapar, både munnleg og skriftleg.

Ved tilsetting må politiattest leggast fram, jf. helse- og omsorgstenestelova § 5-4.

Utfylling av eigenerklæringsskjema for MRSA og tuberkulose er påkravd.

Personlege eigenskapar

Me ser etter deg som:

• Bygger tillit og gode relasjonar med kollegaer, brukarar og pårørande.
• Er løysingsorientert og er vant til å jobbe med fokus på individuelt tilpassa tenester.
• Ser og forstår heilskap i brukarane sin situasjon og er vant til å vurdere omsorgsnivå.
• Er fleksibel og god på å prioritere oppgåver.
• Er ein god lagspelar som også trivst med å jobba sjølvstendig.
• Har gode haldningar, skaper arbeidsglede og bidreg til gode endringsprosessar.

Personlege eigenskapar vert tillagt stor vekt. 

Kvifor skal du jobba hos oss?

Blir du motivert av å jobbe på ein arbeidsplass der me saman skal gje gode helsetilbod og verdige rammer for våre brukarar? Då trur me du vil trivast hos oss! 

Hos oss blir du ein del av ei personalgruppe med høgt fagleg fokus. Du vil få god opplæring med fokus på fagleg kvalitet. Me tilbyr ein variert og lærerik arbeidskvardag der du får utfordre deg sjølv, utvikle kompetansen din og bidra til noko som betyr noko. Du vil oppleve eit trygt og støttande arbeidsmiljø der trivsel og samarbeid står i sentrum.

Hos oss får du rammer som sikrer deg ei fornuftig balanse mellom jobb og fritid gjennom årsturnus. Turnusen er to-delt, med arbeid i snitt kvar 3.helg. 

Medlemskap i KLP føl med tilsetting. Det betyr at du får blant ei av Noregs beste pensjonsordningar og høve til å søke om bustadlån med gunstige vilkår.

Du blir tilsett i sjukepleiar-stilling, med lønsplassering kapittel 4 i det kommunale regulativet. Ansiennitetstrinna går her frå 0-16 år. Lønna blir justert årleg gjennom sentrale forhandlingar. Somme år blir det gjennom dei sentrale forhandlingane også tildelt ein pott til lokale justeringar.

I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar. 

Du må sende inn søknaden via Jobbnorge. Søknadar som kjem inn på andre måtar, til dømes på e‑post eller til postmottak, blir ikkje vurderte.

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge. 

Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.