Om stillinga
Er du klar for å ta del i nybrotsarbeid og bidra til å utvikle regelverk som gjennomfører EUs grøne giv og satsing på auka konkurransekraft gjennom avkarbonisering og sirkulær økonomi? Vi skal støtte andre seksjonar i Miljødirektoratet med denne viktige jobben, og treng deg som ønskjer å gjere dette i samarbeid med dyktige og hyggjelege kollegaer.
Den store regelverksutviklinga på klima og miljø skjer i eit høgt tempo og hos oss får du vere med på å få omstillinga til å skje! Vi i EU/EØS-koordineringa støyt Miljødirektoratet i den omfattande jobben med å gjennomføre og forvalte ei lang rekkje nye og reviderte EU regelverk.
Seksjonen vår har også hovudansvar for sirkulær økonomi, som inkluderer arbeid med ei rekkje EU-regelverk på området som er i rask utvikling.
Seksjonen samarbeider tett med andre einingar i Miljødirektoratet, og har i tillegg omfattande kontakt med andre statlege etatar, ulike interesseorganisasjonar, Statsforvaltaren, kommunar og næringsliv.
Seksjonen ligg i avdeling for avfall, kjemikaliar og tilsyn og består av 15 engasjerte medarbeidarar, og er sentralt plassert i moderne lokale på Helsfyr, Oslo.
Stillinga sine hovudansvarsområde
- bidra til at EU/EØS-arbeidet i Miljødirektoratet er heilskapleg, koordinert og målretta
- bidra til effektiv og korrekt gjennomføring av EU/EØS-regelverk innan gitte fristar
- sikre gode rutinar i arbeidet og bidra med informasjon og opplæring for å styrkje kompetansen i Miljødirektoratet
- ha oversikt over EU/EØS-arbeidet innan klima og miljø, og bidra til mellom anna rapportering
- bidra til at viktige norske interesser blir varetekne i utviklinga av EU-regelverket
Kompetansekrav
Kvalifikasjonar
- Mastergrad innan relevante fagområde, som statsvitskap, europastudiar eller jus med EU/EØS i fagkombinasjonen. Relevant utdanning på bachelornivå med erfaring kan kompensere for kravet om masterutdanning.
- god skriftleg og munnleg framstillingsevne på norsk og engelsk
- god kompetanse om EU/EØS-regelverk og/eller EU/EØS-prosessar
- relevant arbeidserfaring, fortrinnsvis innan statleg forvaltning og/eller EU/EØS-institusjonar
det er ønskjeleg med:
- erfaring frå ei koordinerande rolle
- gode digitale ferdigheiter og evne til å ta i bruk KI på ein proaktiv og løysingsorientert måte
For å lykkast i stillinga:
- er du effektiv og strukturert, og leverer rett kvalitet til rett tid i ein hektisk kvardag
- er du proaktiv og god til å ta initiativ
- er du god på samarbeid og det å byggje relasjonar
- er du ein med svært god heilskapsforståing
- så har du svært god rolleforståing
- er du komfortabel med å ta ordet i større forsamlingar
Personlege eigenskapar vil bli vektlaga.
Vi tilbyr
- Fast stilling med lønn som rådgivar/seniorrådgivar frå 580 000 – kr 900 000 etter erfaring og kvalifikasjonar. Særskilt kvalifisert søkjar kan vurderast noko høgare.
- utfordrande arbeidsoppgåver på eit viktig samfunnsområde
- gode moglegheiter for fagleg og personleg utvikling
- eit breitt tilbod av sosiale, kulturelle og sportslege aktivitetar - inkludert trening i arbeidstida
- fleksible arbeidstidsordningar og pensjons- og bustadlånsordningar i Statens pensjonskasse
Har du spørsmål?
Kontaktperson for stillinga er seksjonsleiar Else Hendel, tlf. 97 42 34 95. Spørsmål om søknadsprosessen kan også stillast til seniorrådgivar HR Thomas Seeberg Yri, tlf. 92 83 42 77.
Ved førespurnader, oppgi referansenummer: 46-2026 ASØ
Generelle opplysningar
Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.
Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din.
Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.
Meir informasjon om korleis vi handterer opplysningar om deg som søkjar, kan du finne i personvernerklæringa vår.