Om stillinga og avdelinga
Vi søkjer ein fagleg sterk seniorrådgivar med forskarerfaring og interesse for utdannings- og kompetansepolitikk. Stillinga vert utlyst då ein av våre dyktige medarbeidarar går vidare til ny stilling i utanrikstenesta.
Analyse og kunnskapsgrunnlag er eit satsingsområde i Direktoratet for høgare utdanning og kompetanse (HK-dir). Vi byggjer eit sterkt fagmiljø, som skal bidra til ein meir kunnskapsbasert utdannings- og kompetansepolitikk. Analyse og FoU er ein sentral del av dette arbeidet, og vi søkjer deg med relevant erfaring til ei fast stilling hjå oss.
Oppgåvene i stillinga vil vere varierte og innan heile HK-dirs ansvarsområde. Vi arbeider både med eigne prosjekt og med å støtte resten av HK-dir med vår spisskompetanse. Dine kvalifikasjonar og interesse vil elles påverke innhaldet i stillinga innan kjerneområdet analyse.
Stillinga er organisatorisk plassert i Divisjon for analyse og kunnskapsgrunnlag, Avdeling for utgreiing, evaluering og forsking. Avdelinga har i dag 12 medarbeidarar, fordelte på HK-dir sine kontorstadar i Oslo og Bergen. Din arbeidsplass vil vere i Bergen. Det er tett samarbeid innan eigen divisjon, særskilt med Avdeling for undersøkingar og analyse. Samla sett har divisjonen 50 medarbeidarar.
Dine arbeidsoppgåver vil mellom anna vere
- gjennomføre analyser og utarbeide rapportar og notat, som grunnlag for politikkutvikling
- styrkje HK-dir si evne til å ta i bruk forsking i kunnskapsutvikling og forvaltingsstøtte
- utvikle og drive FoU-koordinering i HK-dir, inkludert fagleg støtte og intern kompetanseutvikling
- utvikle og følgje opp eksterne FoU-prosjekt, mellom anna oppdrag frå HK-dir og samarbeidsprosjekt med forskingsmiljø
- utvikle og ivareta faglege nettverk på FoU-området, og følgje opp eksisterande forskarnettverk innan høgare yrkesfagleg utdanning
- bidra til andre oppgåver innan ansvarsområda i avdelinga
Kva kompetanse treng vi?
Du må ha:
- relevant høgare utdanning og doktorgrad (PhD) med gode resultat, helst innan samfunnsvitskap eller humaniora. Særskilt relevant arbeidserfaring frå forsking, analyse, utgreiing eller evaluering, kan kompensere for manglande doktorgrad
- svært gode og dokumenterte analytiske ferdigheiter
- svært god generell metodefortåing
- svært god skriftleg framstillingsevne på norsk
Det er i tillegg ein fordel om du har:
- erfaring med og interesse for kunnskapsbasert politikkutforming
- erfaring frå offentleg forvalting eller større organisasjonar, gjerne departement eller direktorat
- dokumentert erfaring med prosjektleiing innan forsking, analyse, utgreiing eller evaluering
- gode ferdigheiter i engelsk, både skriftleg og munnleg
Vi søkjer deg som:
- har høg gjennomføringsevne og leverer arbeid av høg kvalitet
- har gode samarbeidsevner og samstundes evne til å arbeide sjølvstendig
- evnar å tenkje heilskapleg og sjå samanhengar i eit komplekst samfunnsoppdrag
Hos oss får du:
- spanande og utfordrande arbeidsoppgåver med å byggje kunnskapsgrunnlaget for utdanning- og kompetansepolitikk i framtida
- eit godt og uformelt fag- og arbeidsmiljø i utvikling og vekst
- gode moglegheiter til fagleg utvikling og kompetanseheving
- fleksibel arbeidstidsordning, og moglegheit for heimearbeid i delar av arbeidstida
- trening i arbeidstida med inntil to timar per veke
- godt tilrettelagde lokale sentralt i Bergen
Lønsvilkår
- lønsplassering etter kompetanse
- seniorrådgivar med ei årsløn mellom kr. 750 000 - 950 000
- for særs godt kvalifiserte søkjarar kan høgare løn vurderast
- medlemskap i Statens pensjonskasse, med trekk på to prosent til lovfesta pensjonsinnskot
Inkluderande arbeidsliv og mangfald
I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.
Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar.
Offentleg søkjarliste
Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand.
Søknad og CV
For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen.
Kontaktperson
Namn: Stig Helge Pedersen (avdelingsdirektør)
e-post: stig.pedersen@hkdir.no
telefon: +47 977 09 605