Fastlege

Om stillinga

Modalen kommune har for tida ledig stilling som fastlege på legekontoret vårt. Stillingstorleiken er 40 % - 80 %, og vert tilpassa aktuelle søkarar.

Stillinga er ein fastlønsstilling, og inneberer høg grad av fagleg autonomi og samarbeid med øvrige tenester på Helsesenteret. Som fastlege hos oss, vert du ein sentral del av vårt tverrfaglege helsesenter, der både kommunelege, fysioterapeut, helsesekretær, psykisk helse og rus, kommunepsykolog og helsestasjon er del. 

Legekontoret har opning 5 dagar i uka, og har løpande ansvar for legevakt innanfor vanleg kontortid. Les gjerne meir om Modalen legekontor her: https://modalenlegekontor.no/.

Hos oss vil ein raskt få god oversikt over helse- og omsorgstenestene våre og legelista (med om lag 450 pasientar). Det er elles korte linjer i organisasjonen vår, då kommuneoverlegen sit i utvida strategisk leiargruppe saman med rådmann.

Arbeidsoppgåver og ansvar

• Kurativ praksis og kommunale oppgåver. Fastlegelisten har eit tak på om lag 450 pasientar, og vert følgt opp i samarbeid med kommuneoverlegen og øvrige vikarar. Det er ikkje planar om å opne opp lista. 
• Oppfølging av bebuarar på sjukeheimen, i samarbeid med kommuneoverlegen og leiarteamet ved pleie- og omsorg.
• Helsestasjonslege og skulelege.
• Legevakt innan vanleg arbeidstid på kvardagar vert delt mellom fastlegen, kommuneoverlegen og øvrige vikarar. 

  Modalen kommune inngår i Nordhordland interkommunale legevakt (NHLV) på ettermiddag/natt og helg. Den nye fastlegen må rekne å delta i legevakt om lag 2 - 3 vaktar per månad.

• Stadfortredar for kommuneoverlegen ved behov.

Kvalifikasjonskrav

• Spesialist i allmennmedisin, eventult ALIS. Kommunen kan tilby ALIS-forløp om dette ikkje er starta
• Ynskjeleg med lege med vaktkompetanse
• Må kunne jobbe sjølvstendig
• Førarkort klasse B
• Bestått norskprøve på B2-nivå
• Gyldig politiattest.

Våre ynskje om deg

Eit lite arbeidsfellesskap treng deg som er opptatt av godt medarbeidarskap, kan jobbe sjølvstendig og i tverrfaglege samarbeid. Du må kunne kommunisere og samhandle godt med pasientar, pårørande, kollegaer og andre samarbeidspartnarar. 

Personleg eignaheit vil verte vektlagt ved tilsetjing. 

Me tilbyr

• Ein spennande arbeidskvardag med stor fagleg breidde og oversikteleg pasientliste
• Eit positivt og støttande arbeidsmiljø med dyktige fagpersonar
• Arbeidsvilkår i tråd med tariffavtale
• Gode løns- og pensjonsordningar
• Moglegheit for tilrettelegging ved kompetanseutvikling
• Moglegheit for å søkje Modalen kommune sine opplæringsmidlar
• Gode seniorpolitiske ordningar.

Ved behov for pendlarovernatting i- eller flytting til Modalen, ta gjerne kontakt for nærare dialog!

I 2025 og 2026 har Modalen kommune delteke i legevaktprosjekt med støtte frå Helsedirektoratet. Dersom dette vert vidareført, blir det også moglegheiter for å delta i eit spennande prosjekt med utprøving av arbeidstidsordningar og forsking på verknaden av legevakt i distriktet.

Anna

Søkjaren må gje opp minimum to referansar i søknaden. 

Vi gjer merksam på at søkjerlista med namn, kjønn, alder og noverande stilling er offentleg informasjon. Dersom søkjarar ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.

Vi ønskjer ikkje kontakt med firma som skal hjelpe oss å marknadsføre stillinga.