Bu- og habiliteringstenesta, seksjon lunde, søkjer etter tre engasjerte og fagleg trygge miljøterapeutar og/eller miljøarbeidarar i 100 % faste stillingar. Stillingane er i all hovudsak knytt til tenester for menneske med utviklingshemming og andre personar med funksjonsnedsetting, med fokus på målretta miljøarbeid og god livskvalitet.
Om stillinga
Arbeidet er i hovudsak organisert som 1:1 og 2:1-bemanning, og du vil jobbe tett saman med brukar og kollegaer i kvardagen, store delar av stillinga er per dags dato å følje elev på skulen. Tenestene er prega av fagleg ansvar, relasjonsarbeid og struktur, der brukarmedverknad og respekt står sentralt. Arbeidet er organisert i todelt turnus, med 35,5 timars arbeidsveke og arbeid fire helgar over tolv veker. Turnusen inneheld for tida både ordinære og moglegheit for lange vakter, noko som kan gi fleksible friperiodar.
Ei fagleg viktig rolle
I stillinga på seksjon lunde vil du spele ei sentral rolle i å etablere og vidareutvikle rutinar og prosedyrar, i tett samarbeid med andre miljøterapeutar. Samla jobbar vi for å skape struktur, tydelege rammer, tillit og tryggleik – gjennom målretta og fagleg forankra miljøarbeid.
Hos oss møter du dyktige og engasjerte kollegaer som jobbar målretta med individuell pleie og omsorg av høg kvalitet – og som set refleksjon høgt. Vi vektlegg at godt fagleg arbeid også handlar om samarbeid, tryggleik og rom for utvikling.
Herøy kommune har nynorsk som administrasjonsmål.
Godkjent politiattest må leggast fram før tilsetting.
Det vert lagt stor vekt på personlege eigenskapar, i tillegg til kunnskap og erfaring.
Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen.
Vi tilset på dei vilkåra som går fram av gjeldande tariffavtale, lover og reglement. Søkjarlista kan verte offentleggjort. Aktuelle kandidatar vil verte kalla inn til intervju.
Hildegunn Svastuen, Seksjonsleiar, +47 90684321
Kvithaugsmyra 4
6092 FOSNAVÅG
Arbeidsgivar: Herøy kommune
Referansenr.: 5118540065
Stillingsprosent: 100%
Fast
Søknadsfrist: 26.05.2026
Herøy kommune er perla ytst mot storhavet på Sunnmøre. Det er nær 9000 innbyggarar i Herøy. Arbeidsmarknaden i regionen er stor og variert. Herøy er spesielt kjent for å skape verdiar frå hav og fiske.
Frå Fosnavåg, kommunesenteret vårt, tek det 45 minutt å køyre til Ørsta-Volda lufthamn. Til Ålesund kjem du deg på under halvannan time.
Kommunen sin visjon er "ei båtlengd føre". Kjerneverdiane våre er respekt, tillit og samhandling. VI er om lag 750 tilsette i kommuneorganisasjonen.
I Herøy har vi eit breitt kultur-, fritids- og idrettstilbod med festivalar og arrangment for alle. Naturen og kysten vår er vakker. Øya Runde, med det mektige fuglefjellet, er vi ekstra stolte av !