Ph.d.- Stipendiat i paleoklimatiske vippepunkt

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

Stipendiat

Ved Institutt for geovitenskap og Bjerknessenteret for klimaforskning er det ledig ei stilling som ph.d.-stipendiat i isotop paleoklimatologi. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er finansiert av Universitetet i Bergen.

Om prosjektet/arbeidsoppgåver:

Geokjemisk analyse av sediment, væsker og fossile leivningar gir eit unikt innblikk i tidlegare klimavariasjonar. FARLAB (Forskingsfasilitet for avansert analysar av lette stabile isotopar) utviklar nye isotopiske metodar for å studere tidlegare og noverande klima, ver, havsirkulasjon og karbonsyklusen. Vi søkjer ein kandidat som kan bidra med å nytte desse metodane for å forbetre forståinga vår av tidlegare klimavariasjonar, med fokus på brå endringar i Atlanterhavssirkulasjonen, samt årsakene til og konsekvensane av dette. Det blir gjort framsteg på fleire område, noko som gjev rom for å tilpasse studiet slik at det speglar interessene og styrkane til kandidaten. Eit sentralt satsingsområde vil vere å vidareutvikle og ta i bruk mikroanalytiske metodar for oksygen- og karbonisotopanalyse av karbonat. Denne utviklinga kan brukast til å fylle kritiske kunnskapshol i forståinga vår av tidlegare klima og havsirkulasjon, noko som har avgrensa vår evne til å løyse korleis hav og klima er kopla saman og skaper variasjon. På same måte kan denne metoden brukast til å avgrense korleis havventilasjon varierer over svært korte tidsskalaer, korleis interårleg klimavariabilitet kan endrast når verda blir varma opp til ein drivhustilstand, og korleis den hydrologiske syklusen og stabiliteten til isdekket kan endrast under slike forhold. Den nøyaktige bruken av dei nye metodane vil bli utforma i samarbeid med kandidaten, slik at desse er i tråd med forskingsinteressene til kandidaten. 

Som doktorgradskandidat ved Institutt for geovitskap, Universitetet i Bergen, vil du også vere tilknytt Bjerknessenteret for klimaforsking (BCCR). BCCR er det største klimaforskingssenteret i Norden og blant dei leiande sentera i Europa. Forskings- og doktorgradsstudentar blir oppmoda til å melde seg på “Norwegian research school for Climate-informed Innovation and Decision-Making“, som tilbyr karriereutviklingskurs og mange nettverksbyggingsmoglegheiter.

Arbeidsoppgåver

• Bidra til forbetring av mikroanalytiske stabile isotopmetodar og anna systemutvikling ved FARLAB (gjord som eit samarbeid i gruppa med hjelp frå ingeniørar og teknikarar).
• Førebu prøver for analyse (inkludert våtsikting av sedimentprøver, plukke foraminiferer under mikroskop, reingjering og veging).
• Analyse og tolking av vitskaplege data, kanskje også i samarbeid med klimamodellørar.
• Prosjektet kan også involvere feltarbeid (tokt/ekspedisjonar) for å samle prøvemateriale og isotopdata.

 Kvalifikasjonar og eigenskapar:

• Søkjarar må ha oppnådd mastergrad eller tilsvarande utdanning innan geofag eller eit nærståande fagfelt, eller ha levert masteroppgåva si til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Erfaring med paleoklima- eller paleoseanografiteori og/eller -metodar er ein fordel.
• Praktisk erfaring innan geokjemi, helst stabil isotopgeokjemi, er ein fordel.
• Praktisk erfaring med massespektrometer og relatert periferiutstyr, inkludert vedlikehald eller metodeutvikling, er ein fordel.
• God kunnskap om databehandlingsprogramvare er ein fordel.
• Søkjarar må kunne arbeide sjølvstendig og strukturert og ha gode samarbeidsevner. 
• Søkjarar må ha gode skriftlege og munnlege engelskkunnskapar 

Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telje ved vurdering av kandidatane.

For stillinga gjeldt følgande:

Om stillinga som ph.d.-stipendiat

Stipendperioden er på tre år, med opning for eit fjerde år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit fjerde år blir bestemt, vil éitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik tilsvare 25 % av tida kvart år.

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga

Som ph.d.-stipendiat skal du delta i eit godkjent utdanningsprogram for ein ph.d.- grad innanfor ei tidsramme på tre år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr:

• eit godt og fagleg stimulerande arbeidsmiljø
• løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet.
• medlemskap i Statens pensjonskasse
• gode velferdsordningar

Søknaden skal innehalde:

• eit brev som kort beskriv motivasjonen til søkjaren saman med eit kort forslag som angir forskingsinteressene for stillinga (totalt 1–3 sider).
• ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane. 
• namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. 
• CV
• karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert. 
• relevante attestar
• godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)
• eventuell liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge. 

Generell informasjon:

Utfyllande opplysningar om stillinga kan ein få ved å vende seg til

Professor Ulysses Ninnemann, Institutt for geovitenskap, telefon +47 55583521, e-post ulysses@uib.no.

For HR-relaterte spørsmål ta kontakt med rådgjevar Mathilde Høgalmen, Mathilde.hogalmen@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: