Dette er NTNU
NTNU er eit breiddeuniversitet med ein teknisk-naturvitskapleg hovudprofil og eit tyngdepunkt innan profesjonsutdanning. Universitetet er lokalisert i tre byar med hovudsete i Trondheim.
På NTNU jobbar 9 000 tilsette og 43 000 studentar med å skapa kunnskap for ei betre verda.
Video:
https://youtu.be/Xt-yHCN5QS0Om stillinga
Seksjon for læringsstøtte og digitale tenester lyser ut 1 fast 100 % rådgjevarstilling i Eining for læring og teknologi.
Seksjonen ligg under Avdeling for utdanning og er samansett av fem einingar.
Eining for læring og teknologi har 28 engasjerte medarbeidarar, og eit breitt kompetanse- og ansvarsområde som mellom anna omfattar utvikling av undervisning og læring, anskaffing og forvaltning av undervisnings- og vurderingssystem og læringsteknologiar, utvikling av digitale læringsressursar, og eksamensgjennomføring.
Eininga skaper utdanningskvalitet gjennom å støtte NTNU i utviklinga og nyttinga av varierte og studentaktive undervisnings-, lærings- og vurderingsformar. Målgruppene til eininga er NTNU sine undervisarar, fagmiljø, leiarar og administrativt tilsette på alle nivå i organisasjonen.
Din næraste leiar er einingsleiar ved Eining for læring og teknologi.
Du kan lese meir om eininga og seksjonen her: Seksjon for læringsstøtte (SLD) https://www.ntnu.no/adm/aud/sld
Arbeidsoppgåver
- Bidra til å utforme og drive god forvaltning av nye system som Avdeling for utdanning får inn i porteføljen sin, som pensumlistesystemet Leganto og ESV - system for elektronisk studentvurdering (for studentar i praksis)
- Delta i det overordna forvaltningsleiarteamet for Avdeling for utdanning
- Ha ansvar for den daglege drifta av systema, sørgje for godt samarbeid med partar i forvaltninga, som IT-avdelinga og Avdeling for verksemdsstyring
- Utforme forvaltningsplanar for systema ein har ansvar for
- Vere systemeigar med ansvar for sikkerheita og funksjonaliteten i sine system
- Bidra til innføring av nye system over frå prosjekt til drift, som til dømes nytt vurderingssystem WiseFlow
Kvalifikasjonskrav
• Relevant utdanning på minimum bachelornivå. Lang og relevant røynsle kan kompensere for utdanningskravet
• Erfaring frå forvaltning, drift og utvikling av systemporteføljar
• God forståing for IT-system og evne til å sette seg inn i ny teknologi
• Erfaring frå prosjektarbeid
• Gode munnlege og skriftlege ferdigheiter på både norsk og engelsk
Ønskja kvalifikasjonar
• Røynsle frå UH-sektoren
• Erfaring med å leie tverrfaglege team
• Kjennskap til lover og reglar knytte til systemanskaffing
• Erfaring frå kommunikasjons- og formidlingsarbeid
I vurderinga av dei best kvalifiserte kandidatane vil vi leggje vekt på utdanning, erfaring, personlege eigenskapar og motivasjon for stillinga.
Vi tilbyr
• høve til å bidra til utvikling av utdanning, forsking og innovasjon i ein spennande jobb ved Noregs største universitet med eit viktig samfunnsoppdrag – kunnskap for ei betre verd
• interessante oppgåver innan eit fagområde i utvikling
• eit opent, inkluderande og engasjerande arbeidsmiljø med dyktige kollegaer
• gunstige vilkår i Statens pensjonskasse, samt attraktive tilsettegodar og velferdsordningar
• gode moglegheiter for kompetanseutvikling og karrierebygging
Personlege eigenskapar
Du:
• tek initiativ, tenkjer analytisk og ser samanhengar
• arbeider systematisk og er tydeleg løysingsorientert
• har gode samarbeidsevner og bidreg konstruktivt i team
• evnar å engasjere andre og kommuniserer klart og tydeleg
• set deg raskt inn i nye problemstillingar og finn gode løysingar
NTNU – inkludering og mangfald
Mangfald er ein styrkje, og ved NTNU har vi eit mål om å vere ein arbeidsgjevar som speglar mangfaldet i samfunnet og tek i bruk potensialet i den samla kompetansen i befolkninga. Vår visjon er Kunnskap for ei betre verd og våre verdier er kreativ, kritisk, konstruktiv og respektfull. Vi trur at ei verksemd som er likestilt, mangfaldig og kjønnsbalansert er avgjerande for at vi saman når måla våre.
Vi ynskjer difor medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning.
Løn og vilkår
Stillinga som rådgjevar kode 1434 blir normalt løna frå brutto kr 650.000-750.000 pr år, avhengig av ansiennitet og kvalifikasjonar. Frå̊ løna blir det trekt 2 % lovfest innskott til Statens Pensjonskasse.
Tilsettinga skjer på dei vilkår som til ei kvar tid gjeld for tilsette i staten, og etter tilsettinga lyt ein rekne med at det kan skje endringar i arbeidsområde
Tilsettinga blir gjennomført etter prinsippa i statsansatteloven, og lovverk som regulerer eksport av kunnskap, teknologi og tenester. Etter tilsettinga må du rekne med at det kan skje endringar i arbeidsområdet.
Verdt å merke seg når du søker
Vi gjer merksam på at søknaden berre blir vurdert ut frå informasjonen vi har fått når søknadsfristen har gått ut. Sørg difor for at søknaden din tydeleg viser korleis dine ferdigheiter og erfaringar oppfyller kriteria som er skildra over.
Søknaden må innehalde:
· CV, attestar og vitnemål
Viss heile eller delar av utdanninga di er gjennomført i utlandet, ber vi deg legge ved dokumentasjon på omfang og kvalitet for heile utdanningsløp ditt, både bachelor- og masterutdanning, i tillegg til anna høgare utdanning. Skildring av kva dokumentasjon som er naudsynt finn du her. Dersom du allereie har ein profil frå HK-dir, er det fint om du legg ved den også.
For å gjere rekrutteringsprosessen meir effektiv og rettferdig, har vi vald å ikkje be om søknadsbrev. Vi ynskjer å fokusere på det som er den faglege tyngda til den enkelte – kompetansen, erfaringa og motivasjonen din for stillinga. Du treng difor berre å sende inn CV og vitnemål/attestar som tydeleg skildrar korleis ferdigheitene og erfaringane dine oppfyller kriteria som er skildra i utlysingsteksten, og svare på nokre enkle spørsmål knytte til stillinga.
På førespurnad må du kunne legge fram stadfesta kopiar av dokumentasjonen din. Som ein del av rekrutteringsprosessen kan det bli gjennomført bakgrunnssjekk av aktuelle kandidatar.
Kunstig intelligens (KI) kan nyttast som støtte til enkelte administrative oppgåver, til dømes å utarbeide caseoppgåver eller forslag til intervjuspørsmål. Alle vurderingar og avgjersler i rekrutteringsprosessen vert utført av menneske.
Offentleg søkjarliste med namn, alder, stillingstittel og bustadkommune blir utarbeidd etter at søknadsfristen er gått ut. Dersom du ynskjer å reservere deg frå oppføring på offentleg søkjarliste, må dette grunngjevast. Vurdering vil bli gjort i samsvar med gjeldande regelverk. Du vil bli varsla dersom reservasjonen ikkje blir teken til følgje.
Spørsmål om stillinga kan rettast til leiar for Eining for læring og teknologi, Silje Belsvik Taftø, på tlf.: 95836389 eller e-post: silje.b.tafto@ntnu.no
Søknad med CV, vitnemål og attestar skal sendast elektronisk via Jobbnorge.no. Søkarar som blir invitert til intervju må ta med stadfesta kopiar av attestar og vitnemål. Søknaden merkast med referansenummer: NTNU-nr 20-26
Søknadsfrist: 14.05.26