Sagvåg barnehage avd Tjødnalio er eig av Stord kommune og ligg i landlege omgjevnader i Sagvåg. Me har kort veg til skog, vatn, fjell og sjø. Her er 40 barn fordelt på små-og storbarnsavdelingar. Hos oss jobbar me aktivt for inkludering med fokus på at alle barn og tilsette skal ha eit trygt og godt miljø i barnehagen. Me har eit aktivt og engasjert personale med høg fagleg kompetanse og lang erfaring.
Visjonen vår er -Saman om den gode barndomen.
Barnehagelærar i 100% stilling - vikariat i perioden 15.08.26 - 31.12.26, med moglegheit for fast tilsetjing
Barnehagen søkjer etter deg som:
har evner til å vera med å vidareutvikla ein god barnehage i tett samarbeid med føresette og tilsette
har arbeidsglede, arbeidsmot, godt humør og gode samarbeidsevner
har gode leiareigenskapar
er positiv, initiativrik, løysningsorientert og strukturert
kan bidra til å skapa eit godt lærings- og leikemiljø
har evner til å vera ein tydeleg rollemodell både for barn og vaksne
Arbeids- og ansvarsområde:
setje i verk og leie det pedagogiske arbeidet i tråd med lov om barnehage og Rammeplan for barnehagen.
planlegge, gjennomføre, dokumentere, vurdere og utvikle arbeid i høve enkeltbarn, barnegruppa og det område du er satt til å leie
rettleiing av personale
foreldresamarbeid
tverrfagleg samarbeid
prosjektarbeid
Kvalifikasjonskrav:
Søkjar må ha utdanning som barnehagelærar
Godkjent politiattest ikkje eldre enn 3 månader.
Beherske digitale verktøy
Me kan tilby:
Varierte arbeidsoppgåver i eit tverrfagleg fagmiljø
Godt arbeidsmiljø
Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
Løns- og arbeidsvilkår i samsvar med kommunalt avtaleverk
Offentleg tenestepensjon
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.