Har du lyst til å bli med på å skape tidenes beste sommar i Vinje? Vinje kommune skal arrangere eit sommartilbod med gode og morosame aktivitetar for barn frå 5. til 10. klasse. Saman skapar me opplevingar, sosiale møte og minne for livet!
Arbeidsoppgåver
Som aktivitetsvert for ferieaktivitetar er du med i ei gruppe som lagar til morosame og spennande aktivitetar for barn og ungdom i 5.-10.-klasse i Vinje kommune. Me grillar, badar, syklar og reiser på tur til Sommarland i Bø. Me køyrer gokart, ser film, spelar fotball og gjer mange andre ting saman gjennom sommaren. Du som er aktivitetsvert er med på å finne på ting, passe på barna slik at dei er trygge og har det bra, og du hjelper til med å gjennomføre aktivitetar slik at dei er trygge, inkluderande og morosame.
Målet for ferieaktivitetane er at alle som er med skal få gode opplevingar, og hugse sommaren 2026 som ein skikkeleg bra sommar!
Vert du tilsett som aktivtetsvert for ferieklubben kan du rekne med å jobbe opp mot 20 dagar i løpet av sommaren. Sommarskulen har som regel 2-3 dagar aktivitet i veka.
Kvalifikasjonar
Erfaring frå arbeid med barn og unge, til dømes:
- skule eller SFO
- fritidsklubb eller idrettslag, som trenar eller liknande
Du må ha fylt 18 år.
Utdanning innan barne- og ungdomsarbeid eller pedagogikk er eit pluss, men ikkje eit krav.
Ved ny tilsetjing blir det stilt krav om politiattest, jf. opplæringslova §10-9. Attesten skal ikkje vera eldre enn 3 månadar og skal ikkje leverast med søknaden
Personlege eigenskapar
- Trygg med barn og unge
- Glad i å leike
- Blid og omgjengeleg
- Påliteleg
Har du peiling på surfing, dataspel, fjellklatring, filmskaping, rullebrett, sykling eller andre aktivitetar som er morosamt å drive med på sommaren, så er det eit pluss.
Me tilbyr
- God forsikrings- og pensjonsordning.
- Ein morosam og spennande sommar, med varierte oppgåver og full fart!
I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
I samsvar med offentleglova § 25 kan namn på søkjarane offentleggjerast.
Det er krav om politiattest. Godkjend attest må leggast fram før tilsetting.
Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.
Kontaktinformasjon
Kristian W. Rantala, Verksemdsleiar kultur og fritid, 94983823, kristian.rantala@vinje.kommune.no
Arbeidsstad
Vinjevegen 192
3890 Vinje
Nøkkelinformasjon:
Arbeidsgivar: Vinje kommune
Referansenr.: 5123779656
Stillingsprosent: 40%
Engasjement
Startdato: 22.06.2026
Sluttdato: 16.08.2026
Søknadsfrist: 19.05.2026