Fjærland oppvekstsenter ligg i jordbruks- og turistbygda Fjærland, mellom Sogndal og Skei i Jølster, langs hovudfartsåra mellom aust og vest. Det er ei aktiv bygd med mange lag og organisasjonar innan mange områder.
Oppvekstsenteret inneheld skule, SFO og barnehage, og ligg idyllisk til nær fjorden med stort skogsområde i nærleiken, i tillegg til idrettsbane og lysløype.
Skulen er fådelt, med elevar i 1. til 7. klasse, fordelt på småskule og mellomsteg. Skulen har eige symjebasseng, samt god tilgang på undervisningsrom. Kommande år vil det vere 11 elevar i skulen.
Med utgangspunkt i skulen sin storleik ligg forholda godt til rette for tett oppfølging av den einskilde elev. I tillegg til fokus på basisfaga arbeider vi med satsinga «Trygt- og godt skule- og barnehagemiljø».
Skuleåret 26/27 har vi ledig eit vikariat i inntil heil stilling som grunnskulelærar. Rolla som kontaktlærar ligg til stillinga.
Me ønskjer eit arbeidsmiljø prega av mangfald, og at våre tilsette skal spegle befolkninga me er til for. Me oppmodar alle kvalifiserte kandidatar til å søkje jobb hjå oss, uavhengig av alder, kjønn, funksjonsevne, nasjonal eller etnisk bakgrunn. Tilrettelegging for personar med nedsett funksjonsevne kan skje ved behov.
I følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Link til søknadsskjema:
Søk herVelkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar. Sjekk ut sogn.no for fleire grunnar til å kome til Sogndal og Sogn.
Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon.
Tilgjengelegheitserklæring: https://uustatus.no/nn/erklaringer/publisert/187f2156-519b-4500-aa98-4e70dee1f837