Om arbeidsgiver
Universitetet i Stavanger
www.uis.noOrg.nr 973947907
Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha ein innovativ og internasjonal profil og vere ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for grønn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har ein dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfte blikket, og våge å tenke stort og nytt - vi utfordre det velkjente og utforske det ukjente.
Handelshøgskulen UiS tilbyr bachelorutdanningar i økonomi og administrasjon, digital serviceleiing og rettsvitskap. I tillegg blir master tilbodne i økonomisk omstilling og innovasjon, økonomi og administrasjon (siviløkonomutdanning), rettsvitskap, rekneskap og revisjon, service leiing, erfaringsbasert masterprogram retta mot næringslivet (EMBA), årsstudium innanfor reiseliv og økonomi og jus og dessutan forskarutdanning (PhD). Fakultetet legg til rette for utdanning, forsking og formidling innanfor ei stor spennvidd av fag, som innovasjon, regionale studiar, finans, marknadsføring, organisasjon og leiing, rekneskap og revisjon, rettsvitskap, strategi og økonomi. Universitetets Senter for innovasjonsforsking er organisatorisk plassert ved fakultetet. Pr i dag er omlag 130 tilsette og 2200 studentar tilknytte fakultetet. Handelshøgskulen UiS er organisert i tre avdelingar: Avdeling for innovasjon, leiing og marknadsføring, Avdeling for rekneskap og rettsvitskap og Avdeling for samfunnsøkonomi og finans.