Vi søker jurist med noko erfaring og interesse for finansmarknaden, IKT og betalingstenester

Vi har for tida ledig ei stilling som jurist (rådgivar/seniorrådgivar) i seksjon for tilsyn med IT og betalingstenester.

Vi søker deg som har interesse for betalingstenester, eit velfungerande betalingssystem, IKT-sikkerheit i samfunnet og har lyst til å jobbe med regelverk, regelverksoppfølging, utgreiingar og tilsyn på område med sentral betyding for verkemåten til finansmarknadene og betalingssystema. Stillinga som rådgivar/seniorrådgivar gir gode moglegheiter for fagleg utvikling på eit område som er i stadig endring.

Finanstilsynet har ansvar for regelverk og fører tilsyn med at norske finansføretak har ei hensiktmessig og trygg verksemd når det gjeld bruk av informasjons- og kommunikasjonsteknologi (IKT) og tilbod av betalingstenester. Utviklinga av nytt og stadig meir omfattande regelverk gjer at Finanstilsynet har eit auka behov for juridisk kompetanse på IKT- og betalingsområdet. Finanstilsynet skal følge opp at den finansielle infrastrukturen er trygg, slik som systema for betalingar. Det skjer ei rask utvikling når det gjeld teknologiske løysingar i betalingssystemet og i finansføretaka sin bruk av IKT generelt, og digital sårbarheit aukar.

Seksjonen fører tilsyn med finansføretaka sin bruk av IKT og dei elektroniske betalingstenestene,  og representerer Finanstilsynet i møte med føretak under tilsyn, andre myndigheitsorgan og andre aktørar nasjonalt. Seksjonen arbeider med utgreiingar og svar på høyringar frå Finansdepartementet og andre myndigheitsorgan og utviklar regelverk. Seksjonen leiar beredskapsutvalet for finansiell infrastruktur, og representerer Finanstilsynet i arbeid knytt til finansiell infrastruktur, samfunnskritiske funksjonar og beredskap. Vi deltar også i internasjonalt samarbeid når det gjeld IKT-tilsyn, betalingsområdet og regelverksutvikling. Seksjonen har i dag 15 tilsette med brei og variert erfaring frå finanssektoren, tilsyn og arbeid med IKT-sikkerheit.

Arbeidsoppgåver

Arbeidsoppgåvene omfattar mellom anna:

• juridisk bistand i seksjonen sitt arbeid, m.a. deltaking i og juridisk bistand ved tilsyn og oppfølging av føretak som yter betalingstenester og finansføretaka sin bruk av IKT generelt
• forvalting og utvikling av norsk regelverk når det gjeld bruk av informasjons- og kommunikasjonsteknologi (IKT) innan finanssektoren
• bidra i forvalting og utvikling av norsk regelverk når det gjeld betalingstenester innan finanssektoren
• samhandling med Finanstilsynets andre seksjonar og deltaking i arbeidet med konsesjonsbehandling på IKT- og betalingstenestefaglege område. Deltaking i arbeid med utgreiingar og svar på høyringar frå Finansdepartementet og andre myndigheitsorgan
• delta i utarbeiding av årleg risiko- og sårbarheitsanalyse (ROS) om bruken av IKT i finansføretaka
• kontakt med utanlandske tilsynsmyndigheiter, særleg knytt til utanlandske føretak si verksemd i Noreg, eventuelt òg deltaking i arbeidsgrupper i europeiske tilsynsorganisasjonar
• delta i oppfølginga av IKT-verksemda og betalingstenestene i føretaka og å gjennomføre tilsyn
• delta i arbeidet med beredskap og samfunnssikkerheit i finanssektoren og utarbeide risikovurderingar knytte til finansiell infrastruktur

Oppgåvene vil bli tilpassa kvalifikasjonane og erfaringa til den som blir tilsett. Den som blir tilsett i stillinga må kunne sikkerheitsklarerast på nivå HEMMELEG.

Kvalifikasjonar

• cand.jur./master i rettsvitskap med interesse for finansmarknadene
  
• god kunnskap om finansnæringa vil vere ein fordel
  
• kjennskap til eller erfaring med EØS-rett vil vere ein fordel
  
• minimum to års relevant bransjeerfaring frå bank eller finansføretak, advokatkontor/konsulentverksemd eller offentleg forvalting
  
• god skriftleg og munnleg framstillingsevne på norsk og engelsk

Personlege eigenskapar

• du er initiativrik, tek ansvar for eigne arbeidsprosessar og arbeider strukturert, målretta og nøyaktig
  
• du har gode analytiske ferdigheiter og god gjennomføringsevne
  
• du har gode samarbeidsevner og er komfortabel med teamarbeid
  
  

Personleg eigenskaper og motivasjon for stillinga vil bli vektlagt.

Kvifor skal du velje oss?

• spennande og varierte arbeidsoppgåver i eit godt arbeidsmiljø med høg fagkompetanse 
  
• gode moglegheiter for eiga fagleg utvikling 
• gode velferdsordningar og ein fleksibel personalpolitikk 
• moglegheiter for heimekontor, for tida inntil to dager i veka
• medlemskap og moglegheit for lån i Statens pensjonskasse 
• fleksibel arbeidstid og betalt overtid 
• gode treningsfasilitetar og moglegheit for å trene i arbeidstida 

Stillinga blir lønt som rådgivar kr. 645 000 – 730 000 eller seniorrådgivar kr. 720 000 – 950 000, avhengig av kompetanse og erfaring. For seniorrådgivar er det krav om minst fem års erfaring. For spesielt kvalifiserte søkarar kan høgare lønn vurderast. Tiltreding etter avtale. 

Viktig informasjon til deg som søker stillinga

• For å bli vurdert for stillinga må du legge ved vitnemål og relevante attestar.
  
• Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn
• eller hol i CV. Dersom det er mogleg, vil vi legge til rette for medarbeidarar som har behov for det. For positiv særbehandling sjå: http://arbeidsgiver.difi.no/positivsaerbehandling
• Tilsette i Finanstilsynet må følgje strenge etiske retningslinjer, sjå https://www.finanstilsynet.no/jobb-hos-oss/#Etiskeretningslinjer
• Etter at søknadsfristen har gått ut vil vi utarbeide ei offentleg søkarliste, jf. offentleglova § 25.
  
• Du kan skrive søknaden på nynorsk eller bokmål.
  
• Vi utfører bakgrunnssjekk av den som blir tilsett i stillinga.
  
• Les meir om Finanstilsynet på nettstaden vår - www.finanstilsynet.no 

Kontaktinformasjon

Wenche Fagereng, Seksjonsleder, +47 22939848

Arbeidssted

Revierstredet 3

0151 Oslo

Nøkkelinformasjon:

Arbeidsgiver: Finanstilsynet

Referansenr.: 5120622407

Stillingsprosent: 100%

Fast

Søknadsfrist: 17.05.2026