Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Video:
https://youtu.be/M5n6RnScNgAForskar i matematisk og berekningsorientert geovitenskap
I forskningsgruppa for porøse medier ved Matematisk institutt er det ledig ei stilling som forskar 1109 i berekningsorientert matematikk for geovitenskap. Den mellombelse forskerstillinga er for ein periode på 14 månader og knytt til ERC Consolidator Grant prosjektet «Mathematical and Numerical Modelling of Process-Structure Interaction in Fractured Geothermal Systems” (MaPSI).
Om prosjektet/arbeidsoppgåver
I utvikling og produksjon av høgtemperatur geotermiske ressursar resulterer store induserte gradientar i trykk og temperatur under injeksjonsoperasjonar i komplekse kopla prosessar. Det inkluderer koking av geotermiske fluid og deformasjon av den oppsprukne bergarten, kopla dynamikk som så langt er lite forstått. Dette gjev motivasjon så vel som utfordrande testproblem for ny matematisk og numerisk metodikk som vil bli utvikla i MaPSI-prosjektet. MaPSI har som sitt hovudmål å lage matematiske modellar og simuleringsteknologi som krevjast for å vurdere prosess-strukturinteraksjon i undergrunnen i samanheng med hydraulisk og termisk stimulering i utvikling og produksjon av geotermiske ressursar med høg temperatur.
Den som får stillinga, vil bli del av MaPSI-prosjektgruppa og bidra til forskingsaktivitetar i prosjektet knytt til modellering av indusert seismisitet som følgje av væskeinjeksjon og produksjon. Relevante oppgåver omfattar matematisk modellering og utvikling og implementering av numeriske metodar for kopla termo-hydro-mekaniske prosessar og dynamikk knytt til forkastingsglidning. Programvareutviklinga vil bygge på den opne kildekoden PorePy (http://www.github.com/pmgbergen/porepy), som er under utvilking i MaPSI-prosjektet og allereie har funksjonalitet for modellering av komposisjonell flerfaseflyt og kopla prosess-strukturinteraksjon i oppsprukne termoporoelastiske medium.
Kvalifikasjonar og eigenskapar
- Søkjarar må ha oppnådd ein grad tilsvarande ein norsk doktorgrad (ph.d. innanfor rekneorientert geovitskap, ingeniør- og geovitskap, eller anvend og rekneorientert matematikk, eller tilsvarande.
- Forskingserfaring med numeriske metodar for modellering av straum og deformasjon i poroelastiske medium er eit krav.
- Forskingserfaring med modellering av friksjonskontaktmekanikk og dynamikk knytt til forkastingsglidning er eit krav.
- Erfaring med utvikling av open kjeldekode simuleringsverktøy eller med samarbeid om utvikling av programvareplattformer for utrekningsvitskap er ein fordel.
- Søkjarar må kunne arbeide sjølvstendig, strukturert og ha gode samarbeidsevner.
- Søkarar må ha gode engelskkunnskapar, skriftleg og munnleg.
I vurderinga av kandidatar vil ei heilskapleg vurdering av både kvalitet og breidde i kandidatane si forsking og motivasjonen deira for å søkje på stillinga bli gjennomført. Personlege og mellommenneskelege eigenskapar vil bli lagt vekt på.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
Vi kan tilby
- Spennande og utviklande arbeidsoppgåver i et sterkt fagmiljø
- Stilling som forskar (kode 1109 i hovudtariffavtalane i staten) og brutto årsløn på kr. 657 000-700 000,- ved tilsetjing. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.
- Medlemsskap i Statens pensjonskasse
- Gode velferdsordningar
Søknaden skal innehalde
- Ei kort utgreiing om søkjaren sine forskingsinteresser og motivasjonen for å søkje stillinga
- Namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
- CV
- Karakterutskrifter og vitnemål. Dersom du enno ikkje har fullført doktorgraden må du levere ei stadfesting på at doktorgradsavhandlinga er levert.
- Relevante attestar
- Liste over vitskaplege arbeid (publikasjonsliste med lenkjer)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon
Utfyllande opplysningar om stillinga kan ein få ved å vende seg til: professor og prosjektleiar Inga Berre, eller instituttleiar Antonella Zanna Munthe-Kaas.
For HR-relaterte spørsmål ta kontakt med HR-rågjevar Karoline Christiansen på karoline.christiansen@uib.no eller 55 58 47 70.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.