Bybanen er ei sentral drivkraft i utviklinga av Bergen. Den formar korleis byen veks, korleis folk reiser og korleis nye område blir knytte saman. No søker vi ein prosjekteringsleiar som vil få ei sentral rolle i vidare utvikling av Bybanen i Bergen. Eiendom og utbygging er fagavdelinga i fylkeskommunen for byggje- og eigedomssaker, med ansvar for forvaltning, drift, vedlikehald og utvikling og dessutan utbygging av Bybanens infrastruktur.
Hos oss får du arbeida med komplekst og omfattande infrastrukturprosjekt med tydeleg samfunnsmeining. Organisasjonen skal no byggast for å handtera ein aukande prosjektportefølje på seksjonen. Dette gjer at bidraget ditt på korleis vi arbeider, samarbeider og gjennomfører prosjekta blir viktig. Rolla passar for deg som ønsker ansvar, faglege utfordringar og moglegheit til å sette varige spor.
Arbeidsstad er Vestlandshuset midt i Bergen sentrum. Bygget stod ferdig i 2023 og gir moderne rammer med kort veg til både avgjerder, fagmiljø og byen rundt.
Som prosjekteringsleiar får du ein sentral funksjon i prosjektorganisasjonen i Bybanen Utbygging og du kjem til å arbeide tett med leiinga av avdelinga, seksjonen og prosjektet. Du har ansvar for å planlegga, koordinera og følge opp prosjekteringa i tett samspel med rådgivarar og andre aktørar.
Du skal sikra heilskaplege løysingar, vareta krav og bidra til framdrift og kvalitet i alle fasar. Rolla krev god teknisk forståing, struktur og evne til å skapa godt samarbeid på tvers av fag.
Du har relevant teknisk utdanning på minimum bachelornivå, eller tilsvarande kompetanse. Du har minimum 4 års erfaring frå prosjektering innan infrastruktur, veg, konstruksjon, VA eller tilsvarande fagområde. Positivt med erfaring med å leia prosessar eller tverrfagleg arbeid.
God digital kompetanse og du kjenner til VDC eller liknande arbeidsmetodikk
Du har gode samarbeidsevne. Du må kunna kommunisera munnleg og skriftleg på norsk og engelsk. Som person arbeider du strukturert og tek ansvar for framdrift og kvalitet. Du kommuniserer tydeleg, tek initiativ og bidreg til eit godt samarbeid. Du evnar å sjå både heilskap og detaljar, og motiverast av å utvikla gode løysingar saman med andre
Du kjenner deg igjen i verdiane våre som er open, kompetent og modig.
Du får ei nøkkelrolle i eit av dei mest omfattande samferdselsprosjekta i Bergen og du vil få brukt kompetansen din til å skapa varige løysingar som pregar byen inn i framtida.
Du blir ein del av eit framtidsretta og inkluderande fagmiljø med høg kompetanse og ambisjonar om at prosjektet skal vera med å utvikla arbeidsform og korleisvie jobbar saman med interessene våre. Som tilsett i Vestland fylkeskommune arbeider du med samfunnsutvikling på ein konkret og varig måte. Du får trygge rammer, langtidsperspektiv og gode vilkår, kombinert med tempoet og kompleksiteten i eit stort utbyggingsprosjekt.
Vi tilbyr god sykkelgarasje med tilhøyrande garderobar, eige treningsrom, fleksible arbeidstidsordningar, moglegheit for heimekontor, gode pensjons- og forsikringsordningar, konkurransedyktige vilkår og legg til rette for fagleg utvikling.
Arve Tjønn Rinde, prosjektdirektør, +47 93031874
Lars Hilles gate 22
5008 Bergen
Arbeidsgivar: Vestland fylkeskommune
Referansenr.: 5139153531
Stillingsprosent: 100%
Fast
Søknadsfrist: 16.06.2026
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.