Vindafjord kyrkjelege fellesråd har frå 1.9.2026 ledig 100 % stilling som kantor/organist/kyrkjemusikar, med hovudarbeidsområde i kyrkjene i Vindafjord kommune. Vi søkjer ein person som kan leie og vidareutvikle det kyrkjemusikalske arbeidet i kyrkjelydane.
Kvalifikasjonar:
• Utdanning iht. kvalifikasjonskrav for kantor/kyrkjemusikar.
• Søkarar med anna relevant musikalsk utdanning og erfaring blir og vurdert for stillinga.
• Beherskar liturgisk spel.
• God kjennskap til Den norske kyrkja sin liturgi og salmetradisjon.
• Engasjement og evne til å bygge opp, leie og rekruttere til kyrkjemusikalsk arbeid for
vaksne, barn og ungdom.
• Beherske skriftleg og munnleg norsk.
• Kunne bruke digitale verktøy i sitt daglege arbeid.
• Den som vert tilsett må disponere eigen bil og ha førarkort kl. B. Køyregodtgjersle vert gitt
etter statens regulativ.
• Den som vert tilsett må være medlem av Den norske kyrkja. Det kan søkast dispensasjon
for kravet om medlemskap
• Det vil bli kravd tilfredsstillande politiattest jf. Lov om tros- og livssynssamfunn § 20
Personlege eigenskapar:
• Det vert lagt vekt på personlege eigenskapar og fleksibilitet.
• Gode samarbeidsevner.
• Evne til å sjå det musikalske saman med anna soknearbeid.
• Det vil vere viktig med eit godt samarbeid med kyrkjelyden sine utval, frivillige og tilsette.
• Evne til å byggje gode relasjonar.
• Evne til å arbeide sjølvstendig og i team.
• Evne til å arbeide strukturert.
• Allsidigheit og erfaring med ulike stilartar og musikalsk uttrykk er ynskjeleg.
Arbeidsoppgåver:
• Planleggje og gjennomføre gudstenester, gravferder og vigslar saman med andre tilsette.
• I samarbeid med frivillige og andre tilsette planleggje og gjennomføre andre
arrangement og konsertar
• Bidra i kyrkjelyden sitt arbeid, til dømes med korprosjekter og samspel med andre
• Andre oppgåver etter avtale
Me kan tilby eit variert arbeid, gode kollegaer og deltaking i eit flott musikkmiljø i heile kommunen!
Kyrkja i Vindafjord legg til rette for gudstenester, kyrkjelege handlingar, eit mangfald av tiltak for born og unge og mange kulturarrangement som er viktige samlingspunkt for menneske i kommunen.
Fellesrådet sine oppgåver er mellom anna knytt til å leggja til rette for gudstenester og kyrkjelege handlingar i sokna, til drift og vedlikehald av kyrkjebygg og ved å stilla stillingsresursar til disposisjon.