Bømlo kommune har ledig 100% fast stilling som saksbehandlar innan byggjesak og deling i eininga Arealbruk.
Me jobbar med varierte og fagleg utfordrande saker etter plan- og bygningslova, matrikkellova og forureiningslova. Målet vårt er at innbyggjarar og utbyggjarar skal oppleva oss som kunnskapsrike, rettferdige, serviceinnstilte og imøtekomande. Me handsamar mellom anna mange saker i strandsona og i større næringsområde under utvikling. Det er gode forhold for å byggja og utvida fagkompetanse.
Byggjesak og deling består i dag av fire saksbehandlarar. Me nyttar saksbehandlingssystemet eByggesak, og arkivet vårt er digitalisert. Avdelinga ligg under kommunalsjef for samfunnsutvikling og har totalt ti tilsette.
Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.
Anna informasjon
Administrasjonsmålet i kommunen er nynorsk.
Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.
Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
Dersom du har spørsmål om stillinga og rekrutteringsprosessen, ta kontakt med Tone Stavland eller Lise Notland.
Tone Stavland, kommunalsjef samfunnsutvikling, 906 99 714, tone.stavland@bomlo.kommune.no
Lise Notland, avdelingsleiar, 904 01 859, lil@bomlo.kommune.no
Leirdalen 1
5430 Bremnes
Arbeidsgivar: Bømlo kommune
Referansenr.: 5106618857
Stillingsprosent: 100%
Vikar
Søknadsfrist: 03.05.2026
Berekraftige Bømlo er vår visjon!
Bømlo kommune har 12 500 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.
Kommunen med sine 800 årsverk, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer oss rause, modige og engasjerte medarbeidarar.
Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som varer frå den dagen du sluttar i jobb og livet ut. Pensjon inkluderer og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
ForsikringBømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.