Vi har ledig eit 100 % vikariat som helsefagarbeidar i perioden juni 2026 til oktober 2027. Det kan vere moglegheit for forlenging av vikariatet ved behov.
Er du klar for ein variert kvardag med stor grad av sjølvstende og fagleg utvikling? Hos oss vil du få moglegheita til å hjelpe brukarar med personleg hygiene, forflytting og måltid, samt observere og rapportere endringar i brukarar sin helsetilstand til relevante fagpersonar. Vi verdset tverrfagleg samarbeid og jobbar tett med ulike fagmiljø for å sikre best mogleg omsorg.
Dei siste åra har vi satsa stort på velferdsteknologi og kvardagsmeistring, noko som gjer oss til ein spennande arbeidsplass i stadig utvikling. Vi krev at alle utførte tenester vert dokumenterte i Profil, og som helsefagarbeidar kan du få medisindelegering etter avtale.
Ostereidet heimeteneste er ei avdeling med høg fagleg kompetanse og engasjerte, dyktige medarbeidarar. Avdelinga har eit stort geografisk ansvarsområde som strekkjer seg frå Mundal til Dykolbotn, med avstikkarar til mellom anna Veland og Dalsgrend.
Hos oss får du spanande, varierte og meiningsfulle arbeidsoppgåver i eit fagleg og inkluderande arbeidsmiljø.
Ein som trivst med å arbeide sjølvstendig.
Du har evne og vilje til å arbeide for eit godt arbeidsmiljø.
Du er løysingsorientert og fleksibel.
Du er lojal, fagleg sterk og trygg i yrkesutøvinga.
Du har ønskje om å bruke faget til det beste for brukarane våre.
I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.
Bli kjent med Alver kommune!
Video:
https://www.youtube.com/watch?v=_xHE9zF24G4&ab_channel=AlverkommuneSom medarbeidar hos oss har du ein spanande og varierande arbeidskvardag. Me legg vekt på fagleg kvalitet, og gode tenester ut til brukarane våre. Me skal bidra til at den enkelte skal kunne bu heime så lenge som mogeleg og ha god livskvalitet. «Kva er viktig for deg» samtalen med fokus på auka brukarmedverknad, styrkar målet om å gje «Rett teneste, til rett tid på rett stad»
Heimetenesta har einingar i ulike geografiske område; Manger , Frekhaug, Knarvik , Ostereidet, Alversund og Lindås.
Dagsenter til heimebuande er organisert under heimetenesta. Dette er eit tilbod til personar med demensdiagnose og andre med somatisk hjelpebehov. Desse er lokalisert på Manger, Alversund, Frekhaug og Knarvik.