Om arbeidsstaden
Rådgivar samfunnsplanlegging høyrer til fagavdeling plan og folkehelse, som er ei stabsavdeling i sektor samfunnsutvikling. Sektoren er ein av tre sektorar i Austevoll kommune. I denne sektoren inngår utbyggingsprosjekt, folkehelse, samfunns- og arealplan, byggesak, eigedomsforvaltning, drift og vedlikehald, brann og redning, kultur, idrett og frivilligheit. Sektoren har om lag 50 tilsette.
Austevoll kommune er under omstilling. Arbeids- og ansvarsområde kan derfor bli endra.
Om fagavdelinga plan og folkehelse
Fagavdelinga si rolle er å sikre heilskapleg og strategisk planlegging i kommunen, sikre samanheng mellom overordna plan og arealplan, og legge til rette for gode, føreseielege og effektive planprosessar på tvers av organisasjonen. Avdelinga skal bidra til å styrke grunnlaget for administrative og politiske vedtak.
Avdelinga har fagansvar for overordna plan og arealplanlegging. I tillegg har avdelinga ansvar for å utvikle struktur, metodikk og kvalitet i planarbeidet, og for å koordinere og legge til rette for gode tverrfaglege planprosessar, både internt og eksternt.
Om stillinga
Ønska oppstart er så snart som mogleg og har varigheit på 1 år frå oppstart.
Ansvars- og arbeidsoppgåver:
- Bidra med å utvikle system, struktur og metodikk for arbeidet med overordna planar.
- Leie og koordinere arbeidet med overordna planar, som planstrategi og kommuneplan sin samfunnsdel og kommunedelplanar
- Utvikle, forvalte og vidareutvikle malar, rettleiing og system for arbeid med overordna planlegging og planprosessar i kommunen sitt kvalitetssystem
- Sikre heilskapleg og kunnskapsbasert planlegging i tråd med kommunen sine mål, strategiar og styringsdokument
- Sørge for at planprosessar blir gjennomførte i samsvar med styringsdokument
- Gje fagleg rettleiing og støtte til leiarar og fagmiljø i arbeid med kommunedelplanar, temaplanar og strategiar
- Bidra til samordning og kvalitetssikring av planarbeid på tvers av sektorar og tenesteområde
- Legge til rette for gode medverknadsprosessar i planarbeid
- Utarbeide og legge fram politiske saker, fagnotat og strategiske vurderingar til administrativ og politisk leiing
- Bidra til kunnskapsgrunnlag, analysearbeid og utviklingsarbeid som grunnlag for prioriteringar og styring
- Støtte med gjennomføring av andre relevante oppgåver innan sektoren sitt ansvarsområde, til dømes knytt til næring, landbruk, klima, natur og miljø
Kvalifikasjonskrav
Faglege kvalifikasjonar
- Relevant høgare utdanning på bachelor- eller masternivå innan samfunnsplanlegging, statsvitskap, samfunnsvitskap, offentleg administrasjon eller tilsvarande
- God kunnskap om plan- og bygningslova og kommunale planprosessar
- Erfaring frå strategisk planarbeid og samfunnsplanlegging i offentleg sektor og forståing med politiske prosessar
- Erfaring med leiing og koordinering av plan- og utviklingsprosessar
- Erfaring med politisk sakshandsaming og utarbeiding av saksframlegg
- God systemforståing og erfaring med utvikling av rutinar, malar eller kvalitetssystem
- God munnleg og skriftleg framstillingsevne
- God digital kompetanse og erfaring med relevante verktøy
Personlege eigenskapar vi verdset:
- Har god evne til å samarbeide på tvers av fag og sektorar
- Har god evne til å planlegge, sikre framdrift og gjennomføre prosessar
- Har god evne til å arbeide strukturert og sikre føreseielegheit for samarbeidspartar
- Bygger relasjonar og skapar tillit gjennom samarbeid og kommunikasjon
- Er ansvarsfull, sjølvstendig og initiativrik
- Er analytisk og har god framstillingsevne
Vi tilbyr
- Ei spanande rolle og moglegheit til å bidra til å etablere ei nyoppretta fagavdeling
- Varierte, spanande og utviklande oppgåver i eit fagområde under utvikling
- Moglegheit for fagleg utvikling i eit godt, positivt og kompetent fagmiljø
- Løn etter kvalifikasjonar
- Delvis heimekontor og fleksibel arbeidstid
- Gode pensjons- og forsikringsordningar
- Studielånsslett: busett i Austevoll? Du kan få sletta 25 000 kroner av studielånet per år via Lånekassen (distriktsordninga gjeld frå 2026)
- Arbeidsplass på Storebø, om lag 5 min frå ferje- og hurtigbåtkai - godt eigna for pendlarar.
Slik søker du
Send søknad og CV ved å klikke på knappen merka "Søk stilling" på denne sida.
Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.
Ikkje send søknad på e-post til enkeltpersonar i kommunen.
Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.