Vi søkjer etter ein engasjert avdelingssjukepleiar som er oppteken av leiing, fagutvikling og kompetanseutvikling i 100% fast stilling. Arbeidstid er for tida på dagtid med 37,5 t/veke, og med avtale om fleksitid.
Eidet Omsorgssenter er ein institusjon som driftar langtids- og demensplassar. Det er tett samarbeid på tvers av tenestenivåa og i leiarteamet. Den aktuelle stillinga er for tida knytt til avdeling 2, som består av 22 langtidsplassar. Eidet Omsorgssenter er organisert under Haram omsorgstenester, som består av Eidet- og Haram omsorgssenter, Ytre-, Indre- og Nordøyane heimetenstedistrikt og tre dagsenter for eldre. Vi er opptekne av å skape eit godt arbeidsmiljø, der vi legg til rette for at dei tilsette har gode arbeidsvilkår og at brukarane mottek gode tenestar.
Kommunen er i gang med eit arbeid knytt til ny institusjonsstruktur, som vil vere svært positivt for innbyggjarar med behov for helse- og omsorgstenester. Dette er ein spennande og utviklande prosess der ein får høve til å vere tett på endring og fagleg utvikling. Avdelinga har oppgåvedeling etter TØRN-modellen, og kommunen har over tid arbeidd målretta med betre tenesteflyt. Som avdelingsleiar vil du få ei sentral rolle i vidareutviklinga av framtidsretta og berekraftige tenester
Kommunalområde Helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode og målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ynskjer å vere ein arbeidsplass der ein opplever trivsel, utvikling og meistrar oppgåvene ein er sett til å gjere. Vi veit at framtida vil krevje nye arbeidsformer i
kommunalområdet, noko vi arbeider aktivt med å sette oss i stand til å møte på ein god måte.
Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.
Arbeidsoppgåver
- Mellomleiar med ansvar for dagleg, fagleg drift og personalansvar
- Leie og utvikle avdelinga i samsvar med vedtekne mål, budsjett, planar og overordna kommunale
føringar
- Leie og utvikle avdelinga i samsvar med kommunen sine satsingsområde
- Leggje til rette for ein god dialog med brukarar, pårørande og andre delar av tenestetilbodet i
kommunen
- Leggje til rette for eit godt samarbeid og skape aktive og motiverte tilsette
Kvalifikasjonar
- Bachelor i sjukepleie eller anna relevant helse-/-sosialfagleg utdanning
- Vidareutdanning i leiing/villig til å ta vidareutdanning i leiing
- Erfaring som leiar er ønskjeleg, men ikkje eit krav
- Beherske norsk som arbeidsspråk, både munnleg og skriftleg
- God kjennskap til, og forståing for kommunen sine oppgåver er ein fordel
Personlege eigenskapar
- Vere engasjert i fag og leiing
- Evne til sjølvstendig, målretta, kreativt og innovativt arbeid
- Løysingsorientert med høg gjennomføringsevne
- Kunne sette deg raskt inn i nye oppgåver
- Gode kommunikasjonsevner
- Evne til å skape tillit, lytte og til å vere til stades
- Fleksibel, nytenkande og løysningsorientert
- Evne til å bygge nettverk, gode samarbeidsevner og like å jobbe i team
- Trivast å jobbe med menneske og like å rettleie andre
Vi tilbyr
- Fleksitid
- Eit godt og engasjert fagmiljø der vi er opptekne av utvikling og velferdsteknologi
- Eit godt samarbeidsklima i leiarteamet
- Ein meiningsfylt jobb med varierte og utfordrande arbeidsoppgåver i ein framoverlent
kommuneorganisasjon
- Lønn etter avtale
- God pensjonsordning
Kontaktinformasjon
Maria Elizabeth Marthinussen, Tenesteleiar, 94051001, maria.elizabeth.marthinussen@haram.kommune.no
Arbeidsstad
Trolldalssletta 12
6264 Tennfjord
Nøkkelinformasjon:
Arbeidsgivar: Haram kommune
Referansenr.: 5117192205
Stillingsprosent: 100%
Fast
Startdato: 01.05.2026
Søknadsfrist: 17.05.2026