Stad kommune har ledig vikariat som miljøterapeut ved Lærings- og aktivitetssenteret (LA-senteret) på Nordfjordeid. 100 % stilling i eitt år frå 01.08.2026. Vikariatet kan bli forlenga.
Målet til kommunen er å samordne aktivitetstilbod med låg terskel for deltaking for fleire brukargrupper i alderen 18-67 år som er
utanfor det ordinære arbeidslivet. LA-senteret høyrer til i LA-bygget på Langeland, Nordfjordeid. Senteret deler lokale med eininga Opplæring og integrering i Stad kommune,
og med attføringsverksemda Movia. LA-senteret er organisert under eininga Bu- og miljøtenesta i Stad kommune.
Vi søkjer etter ein person som saman med leiar og andre kollegaer kan vidareføre og utvikle LA-senteret som ein arena for aktivitet og
læring for brukarar med ulik kompetanse, interesser, ønske og behov for
bistand og rettleiing. Senteret skal fremje trivsel, sosialt fellesskap,
tryggleik, respekt og meistring og samarbeide tett om desse målsetjingane med tenestemottakarane, pårørande, frivillige, næringslivet og andre kommunale
tenestetilbod.
Arbeidsoppgåver
- Organisere gode og meiningsfulle arbeidsoppgåver/aktivitetar i produksjonshall, kantine, arbeidsverkstad og BUA (utlån av fritidsutstyr) i samarbeid med fagleiar og andre tilsette.
- Medverke til aktivitet og læring gjennom samarbeid med næringslivet og frivillige organisasjonar og andre
- Motivere, rettleie og støtte brukarane til å delta og oppleve meistring i arbeid/aktivitet.
- Sikre god kvalitet og høg kundetilfredshet på vare- og tenesteleveransar.
- Kontakt med kundar og eksterne samarbeidspartnerar.
Kvalifikasjonar
- Primært ønskjer vi søkjarar med relevant utdanning på høgskulenivå innen pedagogikk eller sosialfag.
- Fagarbeidarar innan t.d. helsefag, snekkarfaget eller kokkefaget med erfaring med menneske med funksjonsnedsetting kan også søkje. Erfaring og personlege eigenskapar kan vege opp for kravet om høgskuleutdanning.
- Personar utan formell kompetanse, men med erfaring med menneske med funksjonsnedsettingar kan bli vurderte til stillinga.
- Den som vert tilsett må ha både kunnskap om og interesse for ulike kreative aktivitetar og handarbeid
- Du har gjerne erfaring frå liknande arbeid ved dagsenter, lærings- og aktivitetssenter eller frivillig arbeid
- Stillinga krev kompetanse om korleis ein kan motivere, lære og skape gode aktivitetar for dei som har arbeidsdagen sin på LA-senteret.
Personlege eigenskapar
- Gode samarbeidsevner og god kommunikasjon skriftleg og munnleg
- Trivast med å arbeide saman med andre mot eit felles mål
- Evne til å motivere andre menneske
- Personlege eigenskapar og evne til å ta initiativ vil bli vektlagd
Vi tilbyr
- Høve til å forme gode jobb- og læringsaktivitetar
- Meiningsfulle og utfordrande arbeidsoppgåver
- Gode pensjons- og forsikringsordningar
- Løn- og arbeidsvilkår i samsvar med gjeldande lov- og avtaleverk.
- Dagarbeidstid kl. 08.00 -15.30 måndag til fredag
- Senteret er stengt fire veker på sommaren og i romjula, ferie vert avvikla i forbindelse med dette.
Vi ber om at du lastar opp attestar og vitnemål saman med søknaden. Politiattest skal leverast før start i stillinga.
Vi gjer merksame på at etter §25 i offentleglova kan opplysningar om søkjaren bli offentlege sjølv om søkjar opmodar om ikkje å bli ført opp på søkjarlista. Oppmoding om unntak må grunngjevast.
For nærare opplysningar, ta kontakt med fagleiar Jannike Sundal tlf. 97 57 25 41
Kontaktinformasjon
Jannike Sundal, Fagleiar LA-senteret, 95127314, jannike.sundal@stad.kommune.no
Arbeidsstad
Langelandsåsen 21
6770 Nordfjordeid
Nøkkelinformasjon:
Arbeidsgivar: Stad kommune
Referansenr.: 5119925623
Stillingsprosent: 100%
Vikar
Startdato: 01.08.2026
Søknadsfrist: 17.05.2026