Vil du leie den pedagogiske og faglege utviklinga innan førebyggande?

Brann- og redningsskolen søkjer samarbeidsorientert einingsleiar førebyggande ved fagskulen. Som einingsleiaren vil du ha ansvar for planlegging, gjennomføring og vidareutvikling av skulen si utdanning og opplæring med særleg vekt på kvalitet i det pedagogiske og faglege arbeidet. Me ynskjer at du har god gjennomføringsevne og kan bidra til at Brann- og redningsskulen leverer utdanning i tråd med gjeldande emneplaner.  
  
Ansvar og arbeidsoppgåver    

• leie og utvikle eining førebyggande med personal-, fag- og resultatansvar.
• planlegge, utvikle og kvalitetssikre emneplanar, timeplanar og eksamen.
• sikre kontinuerleg utvikling av skulen i samsvar med lov, forskrift og skulens kvalitetssystem.
• samarbeide tett med leiargruppa i seksjon høgare yrkesfagleg utdanning og leiargruppa i seksjon kurs og opplæring.
• samarbeide tett med kollegaer og eksterne samarbeidspartnarar.
• skuleadministrative oppgåver.
• sikre pedagogisk kvalitet i undervisninga.
• sikre eit godt læringsmiljø.
• det er lagt undervisning til stillinga. 

  
Kvalifikasjonar    

Du må ha:

• bachelorgrad innan relevante fag. Særs relevant erfaring kan erstatte kravet om bachelorgrad. Utanlandsk utdanning må være godkjent av Direktoratet for høgare utdanning og kompetanse.
• erfaring med å leie personell, prosjekt eller fag.
• god skrifteleg og munnleg framstillingsevne på norsk.
• god digital kompetanse og god systemforståing. 

 

Me ønsker at du har:

• pedagogisk utdanning eller erfaring frå å drive pedagogisk utviklingsarbeid. 
• erfaring som skuleleiar.
• erfaring frå arbeid innan førebyggande.
• utdanning innan leiing eller førebyggande fag.
• erfaring med arbeid etter lov- og avtaleverk og krav som vert stilt ved å arbeide i offentleg forvaltning.  

  

Forventingar til deg som leiar:

Medarbeidarane er DSB sin viktigaste ressurs. I leiarstillinga får du ansvar for eit stort spenn av oppgåver, og for å levere tenester innan ulike saksfelt. Du må difor være utprega samarbeidsorientert, følge opp medarbeidarane dine, gje dei tilbakemelding, og stimulere til utvikling aleine og saman med kollegaer.

Som leiar i DSB, skal du bidra til at me er ein moderne og profesjonell organisasjon, som leverer på samfunnsoppdraget vårt. Du må vera målbevisst og flink til å kommunisere både internt og eksternt.

    
Vilkår    

• årsløn frå kr 785 000 – 920 000 som avdelingsleiar (stillingskode 1407).
• medlemskap i Statens pensjonskasse (SPK). Som medlem får du svært gode vilkår kring pensjon, forsikring og bustadlån. Les meir om medlemsfordelane på www.spk.no.   
• spanande arbeidsplass med høg fagleg kompetanse og dyktige kollegaer i eit tverrfagleg miljø.
• høve til å delta på relevante kompetansehevingstiltak både internt og eksternt.
• BRSK er omfatta av særavtale om fleksibel arbeidstid.  
• høve til å trene i arbeidstida. 

  
Om stillinga og eininga 

Du vil få personalansvar for åtte faglærar med ulik kompetanse innan faget førebyggande. Emnet gjev studentane opplæring i systematisk tryggleiksstyring og -arbeid. Studentane skal kjenne til og forstå brann- og redningsvesenet si rolle i det systematiske tryggleiksarbeidet og dei ulike fasane i det systematiske arbeidet; kartlegging, planlegging, iverksetting og evaluering. Du vil også ha ansvar for organisering og kvalitetssikring av arbeidet rundt studentane si fordjupingsoppgåve.

I seksjon høgare yrkesfagleg utdanning er me 40 tilsette. Fagskulestudiet er ei to-årig utdanning innan brann, redning og samfunnstryggleik. Utdanninga er ei generalistutdanning med hovudvekt på basisferdigheiter innan fag som alarmoperatør, førebyggande arbeid, samfunnstryggleik, yrkesrollen og grunnleggande brann og redning. Studentane er i praksis i tredje semester.

  
Om Brann- og redningsskulen    

Oppgåva til Brann- og redningsskulen er å utdanne det beste personellet til brann- og redningsvesen og naudmeldesentralar i landet. Me tilbyr eit breitt utval av kurs, blant anna i brann og redning, førebygging, naudalarm, oljevern og leiing. I januar 2024 opna me ei toårig fagskuleutdanning for dei som skal jobbe heiltid i beredskap, med førebyggande brannvern eller som operatør på ein naudmeldesentral for brann og redning. Brann- og redningsskulen er ein del av Direktoratet for samfunnstryggleik og beredskap (DSB).

Skulen ligg på Fjelldal og med ei eining på Stavern. Me tek imot 160 nye studentar og over 1000 kursdeltakarar i året. Saman skal vi bidra til at landets brann- og redningsvesen har mot til å tore, og kunnskap til å handle, når det verkeleg gjeld.

Les meir på:

www.brsk.no  
 

Dersom du har spørsmål om stillinga, ta kontakt med seksjonssjef Bjørn Steinar Røvik på e-post bjorn.rovik@dsb.no eller telefon 97160416.

 
Offentleg søkjarliste  

Me utarbeider offentleg søkjarliste når søknadsfristen går ut. Opplysningar om søkjaren kan bli gjort offentleg sjølv om søkjaren har bedt om å ikkje bli ført opp på søkjarlista, jf. Offentleglova §25.

   
Praktisk informasjon om søknadsprosessen  

Gjennom både søknadsbrev og CV må du vise korleis kompetansen din fyller kvalifikasjonskrava som er skildra i utlysinga. Det er viktig at du registrerer all relevant utdanning og erfaring i profilen du lagar i rekrutteringssystemet. I tillegg ber me om at du lastar opp både søknadsbrev og CV som vedlegg i PDF-format. For å jobbe i DSB må du vera vera skikka tryggleiksmessig og medverke til ein god kultur for tryggleik. Les meir om tryggleik i DSB på

heimesida vår.  Bakgrunnssjekk vert gjennomført. Interne søkjarar må sende inn søknaden i DFØ HR.