Vil du være ein del av eit fagmiljø som kvar dag jobbar for å gjere forskjell i menneske sine liv?
NAV Øygarden er ein spanande og utviklande arbeidsplass med om lag 80 tilsette fordelt på fire avdelingar. Vi held til i eit moderne lokale sentralt på Straume.
Jobbsjansen er eit veletablert prosjekt finansiert av midlar frå IMDI. Prosjektet har som mål å gje bistand til innvandrarkvinner med særleg behov for kvalifisering og rettleiing for å komme inn i arbeidsmarknaden. Prosjektet har over fleire år levert gode resultat. Kommunen har for 2026 fått innvilga fleirårig støtte til prosjektet i perioden 2026-2027.
Prosjektet skal kontinuerleg følge opp 24 deltakar. I prosjektet skal det jobbast systematisk for å utvikle individuelt tilpassa programinnhald og tiltak som gjer best mogleg resultat slik at fleire innvandrarkvinner kjem i arbeid og utdanning
Andre oppgåver kan påreknast
Fungerande avdelingsleiar Ingvild Bakke tlf 93 08 32 72 mail: Ingvild.angell.bakke@nav.no
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
Link til søknadsskjema:
Søk herØygarden kommune er den nest største kommunen i Vestland fylke med om lag 40 700 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet.
Administrasjonsspråket i Øygarden er nynorsk. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.