Bømlo bu- og helsesenter - Post 1 Nord har ledig to 100% faste stillingar som sjukepleiar eller vernepleiar.
Me søkjer deg som er fagleg engasjert og ønskjer å bidra til god sjukepleie og behandling for våre pasientar og bebuarar.
Stillinga kan organiserast med langvaktsturnus og arbeid kvar fjerde helg. Ordninga kan innebere inntil tre langvakter på rad, etterfølgd av ei veke med langfri eller arbeid i ordinær turnus, etter eige ønskje. Søkjar kan oppgi ønskja stillingsstorleik innanfor 80–100%.
Det er ønskjeleg med snarleg oppstart.
Om avdelinga
Post 1 har 34 pasientrom fordelt over tre etasjar der kvar etasje er organisert som ei eiga gruppe. Målet vårt er å skape tryggleik og trivnad i eit positivt og inkluderande miljø – både for bebuarar og tilsette. Me har god fagdekning, eit godt arbeidsmiljø og varierte arbeidsoppgåver i kvardagen.
Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast.
Det vert stilt krav om politiattest ved tilsetting etter helse og omsorgstenestelova § 5.4.
Ved vurdering av den best kvalifiserte, legg me vekt på utdanning, erfaring og personlege eigenskapar, samt di motivasjon for stillinga.
Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.
Dersom du har spørsmål om stillinga og rekrutteringsprosessen, ta kontakt med verksemdleiar Monica Smedsrud.
Monica Smedsrud, Verksemdleiar, +47 404 85 607, monica.smedsrud@bomlo.kommune.no
Leirdalen 25
5430 Bremnes
Arbeidsgivar: Bømlo kommune
Referansenr.: 5118971601
Stillingsprosent: 100%
Fast
Startdato: 01.06.2026
Søknadsfrist: 14.05.2026
Berekraftige Bømlo er vår visjon!
Bømlo kommune har 12 500 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.
Kommunen med sine 800 årsverk, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer oss rause, modige og engasjerte medarbeidarar.
Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som varer frå den dagen du sluttar i jobb og livet ut. Pensjon inkluderer og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
ForsikringBømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.