Ønskjer du å bli vår nye kollega? BUP Ålesund har ledig fast 100 % stilling for lege i spesialisering innan psykiatri.
Vi kan tilby meiningsfulle og spennande arbeidsoppgåver i eit triveleg arbeidsmiljø for deg som har lyst til å jobbe med barn og ungdom med psykiske lidingar.
BUP Ålesund har ledig fast stilling for lege i spesialisering frå snarast, oppstart etter nærare avtale med seksjonsleiar.
Poliklinikken (BUP) er samlokalisert med akutteininga (ungdomspsykiatrisk døgnseksjon) UPD og har eit breitt samansett og spennande fagmiljø som gir differensierte behandlingstilbod til barn og unge og familiane deira. Som LIS ved poliklinikken vil du arbeide i eit tverrfagleg team med overlegar og psykologspesialistar. Vi er organisert som allmennpsykiatriske team i tillegg til eit akutt-ambulant team.
Ved poliklinikken tilbyr vi spesifikke behandlingstilbod for psykose (PEF), traumer (TF-CBT, EMDR), spiseforstyrrelse (FBT, KAT-S), OCD- og angstbehandling (inkl. 4-dagers formatet) samt gruppebehandling (MBT-basert) for ungdom.
Tilsetting vil kunne føre til godkjent og tellande teneste i spesialiteten barne- og ungdomspsykiatri.
Avdelinga vil sikre alle delar av utdanningsvilkåra. Legen vil kunne delta i lokal og regional LIS-utdanning.
Arbeidsoppgåver
- Varierte arbeidsoppgåver som gir moglegheit til å opparbeide kunnskap og erfaring som trengs for å bli ein god spesialist
- Utgreiing og behandling av barn og ungdom med psykiske lidingar og utviklingsforstyrringar
- Somatiske undersøkingar og medikamentelle vurderingar
- Pårørande- og familiesamtalar
- Fagleg medverknad gjennom undervisning og teamsamarbeid
- Samarbeid med kommunane, bistå med rettleiing av samarbeidande instansar
- Arbeid med pasientsikkerheit, systematisk kvalitetsarbeid og kontinuerleg forbedring av verksemda
Kvalifikasjonar
- Norsk autorisasjon som lege
- Godkjent del 1 av spesialistutdanninga(LIS 1) eller turnusteneste etter gammal ordning
- Ein søker primært etter legar som ønsker å spesialisere seg innan barne- og ungdomspsykiatri, men andre legar kan også søkje, t.d. legar som spesialiserar seg innan allmennmedisin eller vaksenpsykiatri
- Meistre norsk språk svært godt, både munnleg og skriftleg
Personlege eigenskapar
- Du har gode relasjonelle eigenskapar. Evne til å kome i kontakt med andre, kommunisere godt og framstå som ein trygg og kompetent vaksen
- Du arbeider strukturert og målretta
- Du ha evne til tilpassing i eit større fagmiljø der vi arbeider tett med kvarandre og saman skaper det tilbodet pasienten har behov for
- Du må vere fleksibel og løysingsorientert
- Du er ein nysgjerrig, glad og kunnskapsrik kollega i eit miljø der vi alle arbeidar med kontinuerleg fagutvikling
Vi tilbyr
- Som lege i spesialisering vil du ta del i avdelinga sitt utdanningsprogram. Vi har eit tett og godt samarbeid i avdelinga, med mange strukturar på tvers av seksjonane
- Ein inkluderande arbeidsplass
- Lønn etter gjeldande overeinskomstar
- Gode pensjons- og forsikringsordningar
- Eit godt arbeidsmiljø med tett tverrfagleg samarbeid. BUP Ålesund har tett samarbeid med, og kort fysisk avstand til, barne- og ungdomsavdelinga (inkludert barnehabiliteringstenesta). Dette gjer samarbeidet med andre nærliggande fag enklare
Vi ber om at attestar og vitnemål vert scanna og lasta opp som vedlegg til din CV.
Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.
Kontaktinformasjon
Inger Ann Berge, Seksjonsleiar, inger.ann.berge@helse-mr.no
Arbeidssted
Geilebergvegen 20
6017 Ålesund
Nøkkelinformasjon:
Arbeidsgiver: Helse Møre og Romsdal HF
Referansenr.: 5118212147
Stillingsprosent: 100%
Fast
Søknadsfrist: 17.05.2026