Kreftgenomikk er ein avdeling i Laboratorieklinikken med ansvar for avansert molekylær kreftdiagnostikk og består av to seksjonar; Blodgenomikk og Tumorgenomikk. Avdelinga nyttar ulike molekylære analysemetodar på kromosom-, DNA- og RNA-nivå for å undersøke endringar i genomet som er viktige for diagnostikk og behandling. Laboratoriet er akkreditert ihht ISO 15189 standarden. Helse Bergen HF er eit infrastruktur for presisjonsdiagnostikk (InPreD) nivå 1 sjukehus der Kreftgenomikk har ei sentral rolle i utprøving, utvikling og innføring av nødvendige laboratorieanalysar for presisjonsmedisin.
Avdelinga er ein av åtte einingar i Laboratorieklinikken som rapporterer direkte til klinikkdirektør. Kreftgenomikk samarbeider med Avdeling for patologi, Avdeling for medisinsk genetikk, Avdeling for medisinsk biokjemi og farmakologi, Regionalt kompetansesenter for arveleg kreft (RKAK), Seksjon for bioinformatikk og Biobank Haukeland. Dei tilsette har ulik yrkesfagleg bakgrunn med høg fagleg kompetanse (helsesekretær, bioingeniørar, molekylærbiologar og legar).
Vi har ledig stilling med fagansvar FISH, tilknytta seksjon for Blodgenomikk.
Arbeidsoppgåver
- Fagansvar for FISH ved seksjon for blodgenomikk. Dette inneber ansvar for laboratoriedrifta av FISH-analysar i samband med leukemiutgreiing. Instrumentansvar kan inngå i ansvarsområdet.
- Bidra til utarbeiding av prosedyrar, metodeutvikling, kompetanseplanar, revisjon, rapportskriving og varebestilling.
- Gjennomføre opplæring innanfor eige fagområde
- Halde seg fagleg oppdatert innan avdelinga sitt fagspesifikke område og eige fagområde spesielt
- Deltaking i dagleg analytisk drift som kan omfatte prøvehandtering, nukleinsyreekstraksjon, celledyrking, kromosomanalyse, FISH, kvantitativ PCR, Sanger-sekvensering, fragmentanalyse, smeltekurveanalyse, genuttrykksanalysar, neste generasjons sekvensering og dagleg vedlikehald av instrument.
- Bidra i laboratoriet sine rutinar for blodprøvetaking.
Kvalifikasjonar
- Søkjar må ha godkjend autorisasjon som bioingeniør og relevant arbeidserfaring.
- Det krevst erfaring med metodar, instrument, laboratorieoppgåver, analysar og programvare som inngår i ansvarsområdet.
- Det vil òg vere ein fordel med kjennskap til avdelinga sine andre analysemetodar, samt programvare som vert nytta ved avdelinga.
- Søkjar må meistre norsk både skriftleg og munnleg.
Personlege eigenskapar
- Stillinga føreset evne til sjølvstendig og nøyaktig arbeid, og det vil bli lagt vekt på personlege eigenskapar, samarbeids- og kommunikasjonsevner.
- Søkar må trivast i eit tverrfagleg og aktivt miljø under oppbygging
- Søkar må ha god gjennomføringsevne
Vi tilbyr
- Lønn i samsvar med gjeldande overeinskomst
- Utfordrande arbeidsoppgåver
- Høgt fagleg nivå
- Gode pensjons- og forsikringsordningar
- Fleksibel arbeidstid
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse
Kontaktinformasjon
Hilde Myhre Mæland, Seksjonsleiar, 55973198
Arbeidsstad
Haukelandsveien 22
5021 Bergen
Nøkkelinformasjon:
Arbeidsgivar: Helse Bergen HF
Referansenr.: 5138124208
Stillingsprosent: 100%
Fast
Søknadsfrist: 17.06.2026