Om stillinga
Me har ledig 50% vikariat som pedagogisk psykologisk rådgjevar ved Indre Ryfylke PPT. Vikariatet gjeld fom 01.08.26 tom 31.07.28. Stillinga har oppmøtestad i både Suldal og Sauda.
Indre Ryfylke PPT er ei interkommunal teneste der Suldal er vertskommune for Sauda. Tenesta har kontor i begge kommunane. PPT har fast nærvær i barnehage og skule for å vera tett på med systemretta samhandling, tidleg innsats og førebyggande arbeid. Me bidreg til kompetanseheving og utvikling i oppvekstsektoren og gir rettleiing til barnehagar og skular på system- og individnivå. Tenesta utarbeider sakkunnig vurdering der lova krev det.
Tenesta arbeider etter strategi for inkluderande fellesskap for barnehage og skule i tråd med Meld St.6 «Tett på- tidleg innsats og inkluderande fellesskap i barnehage, skole og SFO». PP-tenesta i Indre Ryfylke har fokus på at alle barn og unge skal oppleva inkludering og meistring. Me ønsker å vera ei teneste som er tett på barnehagar og skular, og saman med dei skapa eit godt og trygt læringsmiljø for alle.
Suldal og Sauda er BTl-kommunar som inneber betre samhandling mellom tverrfagleg tenester der PPT er ein del av laget rundt barnet. I tillegg er PPT del av Utdanningsdirektoratet sitt kompetanseløft for spesialpedagogikk og inkluderande praksis. I tenesta vert det stilt høge krav om sjølvstendig arbeid og samhandlingskompetanse både internt i eininga og i praksisfeltet.
Lærar, barnehagelærar med master eller vidareutdanning innan spesialpedagogikk eller psykolog. Sterk fagleg kompetanse og lang erfaring kan kompensere for manglande utdanning.
Me søkjer ein person som er fleksibel og løysingsorientert, har pågangsmot og er interessert i å medverka i utviklings- og organisasjonsarbeid i barnehage og skule. Du må trivast med varierte arbeidsoppgåver, lika å samarbeida, og vera ein god relasjonsbyggjar
Rettleiingskompetanse
Erfaring frå systemretta endringsarbeid i skule
God kunnskap om spesialpedagogikk i skule
Kjennskap til, og erfaring frå skule som organisasjon
Ved tilsetting vert det lagt vekt på den samla kompetansesamansettinga hos Indre Ryfylke PPT
Personlege eigenskapar:
Du er god til å samarbeida men og arbeida sjølvstendig Du er oppteken av å tileigna deg ny kunnskap
Du er strukturert og kan jobba systematisk
Du likar å arbeida med varierte oppgåver og har ei fleksibel tilnærming
Du er ein positiv bidragsytar inn i kollegiet og oppteken av å spela andre gode
Du er ein god relasjonsbyggar og motivator
Du er god til å skape rom for dialog
Personlege eigenskapar vil bli lagt vekt på
Arbeidsoppgåvene vil i stor grad vera knytt til skular.
Vera tett på skular med systemretta samhandling, tidleg innsats og førebyggande arbeid.
Gje rettleiing til skular på system og individnivå
Bidra til kompetanseheving og organisasjonsutvikling i skule.
Sakkunnig arbeid der lova krev det
Andre oppgåver i tråd med PP-tenesta sitt mandat
Kva kan me tilby:
Eit godt arbeidsmiljø: Bli ein del av eit støttande og kreativt team med høg fagleg kompetanse. Me har eit aktivt velferdsutval som jobbar for at det skal vera sosialt på jobb. Kvart år arrangerer dei sommarfest på ulike stader i kommunen. Her blir du invitert til eit godt måltid og felles aktivitetar med kollegaer på tvers av arbeidsplassane. Velferdsutvalet inviterer deg også til Kom-i-form-konkurranse, og felles fjellturar i kommunen, der du kan bli premiert om du er aktiv. Innimellom kan du også bli invitert på middag og foredrag
Konkurransedyktige vilkår: Fleksibel arbeidstidsordning og moglegheit for heimekontor i tråd med retningslinje til kommunen. Me støttar di faglege og personlege vekst med mellom anna fagutvikling kurs, fagdagar og nettverk. Sjå: Me kan tilby - Suldal kommune heimeside
Rekrutteringsbustadar: Moglegheit for å søkje om å leige ein av rekrutteringsbustadane me har i kommunen. Me har rekrutteringsbustadar på Sand, Erfjord, Suldalsosen per no. Sjå på heimesida vår for korleis du søkjer. PP-tenesta har tilgang til bestilling av el-sykkel ved behov.
Gode pensjons- og forsikringsordningar gjennom KLP.
Bedriftshelseteneste
Løn- og tilsetjingsvilkår i samsvar med lov- og avtaleverk
Stillinga vil fortida ha kontor både i Suldal og Sauda kommune
Nynorsk som administrasjonsspråk
Det er krav om godkjend politiattest etter gjeldande lovverk ved tiltreding. Attesten kan ikkje vere eldre enn tre månadar
Me etterspør dokumentasjon på utdanning og attestar frå tidlegare arbeidsforhold ved innkalling til eit eventuelt intervju.
Suldal kommune oppfordrar alle våre søkjarar til å søkja på stillinga digitalt.
Suldal kommune gjer merksam på at søkjarlistene kan verta offentleggjorde.
Du må ha førarkort klasse B
Link til søknadsskjema:
Søk herIndre Ryfylke PPT er eit interkommunalt samarbeid mellom Sauda og Suldal der Suldal er vertskommune. Tenesta har 6,5 årsverk og kontor i både Suldal og Sauda.
PP-tenesta i Indre Ryfylke har fokus på at alle barn og unge skal oppleva inkludering og meistring. Me ønsker å vera ei teneste som er tett på barnehagar og skular, og saman med dei skapa eit godt og trygt læringsmiljø for alle.