Ph.d.-stipendiat i romfysikk

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

Ph.d.-stipendiat i romfysikk

Ved Institutt for fysikk og teknologi er det ledig ei stilling som ph.d.-stipendiat i romfysikk. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er finansiert gjennom prosjektet GRAIL ("Gamma Radiation from the Atmosphere for Investigation and Learning"), Maria Skłodowska Curie Actions (MSCA) doktorgradsnettverk under Horisont Europa.

Om prosjektet/arbeidsoppgåver:

Toreskyer er dei mest energirike naturlege partikkelakseleratorane på jorda. Dei kan akselerere partiklar til relativistiske energiar og produserer gammastråling på ulike tidsskalaer, frå under millisekund til fleire titals sekund eller meir. Gamma-ray glows og Thunderstorm Ground Enhancements er langtidsutslepp knytte til intense, storskala elektriske felt i toreskyer.

Den som får stillinga, skal gjennomføre eit prosjekt med tittelen: «Eksperimentell undersøking av gamma-ray glows og Thunderstorm Ground Enhancements». Kandidaten skal gjennomføre bakkebaserte observasjonar ved fasilitetar i utlandet med ekstra og komplementerande instrumentering, og analysere resultata i samanheng med eksisterande fly- og bakkebaserte observasjonar. Kandidaten skal òg undersøke moglegheita for å plassere gammastrålingsinstrument på andre stader. Me ventar at resultata vert publiserte i leiande vitskaplege tidsskrift og presenterte på internasjonale konferansar.

Ph.d.-prosjektet er del av 15 GRAIL-ph.d.-prosjekt i Europa, der 2 skal gjennomførast ved Universitetet i Bergen. Meir informasjon om GRAIL finn du på grail.physik.tu-dortmund.de. Den som får stillinga, vil ha omfattande interaksjon med fleire grupper i Horizon Europe GRAIL GRAIL-nettverket, inkludert finansiering til internasjonale konferansar, tilgang til eit breitt spekter av personleg utvikling gjennom opplæring i overførbare ferdigheiter, sommar- og vinterskule, samt ph.d.-kurs. Det er planlagt opphald ved ASEC-laboratoriet i Armenia (bakkeutplassering av strålingsinstrument) og ASTRON i Nederland.

Den vellukka kandidaten vil bli ein del av romfysikkgruppa ved Institutt for fysikk og teknologi og utføre arbeidet under rettleiing av professor Martino Marisaldi. Teamet handterer for tida fleire finansierte prosjekt, inkludert ERC Advanced Grant-prosjektet ENLIGHTEN. Teamet har eit sterkt internasjonalt omdøme og eit breitt nettverk av samarbeidspartnarar i Europa og USA.

 Kvalifikasjonar og eigenskapar:

• Søkjarar må ha mastergrad eller tilsvarande utdanning i fysikk. Masterstudentar kan søkje dersom dei fullfører graden innan 01.08.2026. Det er ein føresetnad at mastergraden er oppnådd før tilsetjing kan skje.
• Dokumentert erfaring med eller kompetanse i strålingsdetektorar (design, konstruksjon, drift eller dataanalyse) er eit krav.
• Generell kunnskap om programmeringsspråk for vitskapleg dataanalyse og visualisering er eit krav.
• Dokumentert kunnskap om det nære rommiljøet, atmosfærisk fysikk eller lynfysikk er ein fordel.
• Søkjarar må kunne arbeide sjølvstendig og strukturert og ha gode samarbeidsevner.  
• Søkjarar må ha gode skriftlege og munnlege engelskkunnskapar.

Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telje ved vurdering av kandidatane.   

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga. 

Merk at kandidatar til denne stillinga er omfatta av mobilitetsregelen i Horisont Europa. Ein kandidat må ikkje ha budd i Noreg i meir enn 12 månader i dei 3 åra som ligg rett føre tilsetjingsdatoen (og må heller ikkje ha hatt si hovudaktivitet — arbeid, studium osv. — i Noreg i denne perioden).

For stillinga gjeldt følgande:

Om stillinga som ph.d.-stipendiat

Stipendperioden er på tre år, med opning for eit fjerde år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit fjerde år blir bestemt, vil eitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik svare til 25 % av tida kvart år. 

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden. 

Om forskarutdanninga

Som ph.d. -stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr:

• eit godt og fagleg stimulerande arbeidsmiljø 
• løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet.
• medlemskap i Statens pensjonskasse
• gode velferdsordningar

Søknaden skal innehalde:

• ei kort utgreiing om forskingsinteresser og motivasjonen for å søkje stillinga.
• ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane.
• namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. 
• CV
• karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.
• relevante attestar
• godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet).
• eventuell liste over vitskaplege arbeid (publikasjonsliste med lenkjer).

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til Professor Martino Marisaldi, Institutt for fysikk og teknologi, Universitetet i Bergen, e-post: martino.marisaldi@uib.no, eller instituttleiar Kjetil Ullaland, e-post: kjetil.ullaland@uib.no. 

For HR-relaterte spørsmål ta kontakt med Vivian Stegen Jacobsen, vivian.jacobsen@uib.no. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.     

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: