Stipendiat i vitskapsteori

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

Stipendiat i vitskapsteori

Vi søkjer ein motivert og fagleg sterk kandidat til ei stipendiatstilling ved Senter forvitskapsteori (SVT). Stillinga er for ei åremålsperiode på fire år. 

I stillinga får du ein unik sjanse til å utvikle deg innan fagfeltet, bidra til ny kunnskap og delta i eit stimulerande akademisk miljø. 

Om senteret

SVT er eit tverrfakultært senter med ti fast vitskapleg tilsette, tre postdoktorar og sju stipendiatar. Tilsette og stipendiatar forskar, underviser og formidlar innanfor fagområdet vitskapsteori, inkludert vitskapsfilosofi, vitskap- og teknologistudier (STS), forskingsetikk, ansvarleg forsking og innovasjon (RRI), og politisk filosofi.

SVT har ansvar for undervisning i vitskapsteori og etikk for ph.d.-kandidatar ved UiB i samarbeid med fakulteta. Vidare har senteret det faglege ansvaret for UiBs

Les meir om SVT og om vitskapsteori. 

Om prosjektet

Vi inviterer deg til å utarbeide eit vitskapsteoretisk orientert forskingsprosjekt om grunnleggjande teoretiske og omgrepslege føresetnader for naturvitskapleg, samfunnsvitskapleg, og/eller humanistisk forsking, inkludert praksisar der kunnskap frå desse forskingsområda vert teken i bruk (politikkutforming, teknologi, offentlege utgreiingar, kommunikasjon, media med meir.)

Prosjektet skal bidra både til vitskapsteori generelt og til vitskapsteoretiske grunnlagsproblem innanfor kunnskapsfeltet som prosjektet studerer. Prosjektplanen må klargjere det vitskapsteoretiske bidraget i prosjektet.

Prosjektplanen må vere fagleg velinformert om fagområdet eller kunnskapspraksisen som prosjektet fokuserer på, og om relevante forskingsmetodar. 

Om stipendiatstillinga og forskarutdanninga

Stipendiatstillinga har som hovudmål å leie fram til ein ph.d.-grad, som kvalifiserer for sjølvstendig forskingsverksemd og for anna arbeid som krev særskild kompetanse.  

Stillinga har ein samla periode på fire år:  

• 2,5 år er sett av til arbeidet med doktorgradsprosjektet.  
• Eit år er sett av til karrierefremjande arbeid innan undervisning, formidling og administrasjon. Plan for denne delen av stillinga vert avtalt ved tilsetjing.  
• Som stipendiat blir du tatt opp i ph.d.-programmet ved Det humanistiske fakultet. Programmet inneheld ein opplæringsdel på 30 studiepoeng, som utgjer 6 månadar av tilsetjingsperioden.  

Kvaliikasjonar og personlege eigenskapar

Søkjaren må ha:

• Norsk mastergrad eller tilsvarande utanlandsk grad innan ein disiplin som er relevant for det faglege perspektivet i ph.d.-prosjektet og som er innanfor senterets faglege profil. Det er ein føresetnad at mastergraden er oppnådd innan søknadsfristen går ut. Annan grad enn norsk mastergrad blir vurderte etter krav frå Direktoratet for høgare utdanning og kompetanse.
• Gode munnlege og skriftlege ferdigheiter i engelsk.  
• Evne å ta initiativ, arbeide sjølvstendig og gjennomføre prosjekt på ein organisert og systematisk måte.
• Evne til å samarbeide på tvers av fagleg spesialisering.
• Motivert for aktiv dialog med rettleiar og deltaking i det faglige fellesskapet ved SVT. 

Søkjarar vil bli vurderte etter opptakskrav frå Det humanistiske fakultet, sjå Ph.d.-programmets pkt. 2.1.

Søkjarar må leggje fram ei prosjektskisse til eit forskingsprosjekt som skal munne ut i ei doktorgradsavhandling, og ein framdriftsplan for prosjektet.  

Ved vurderinga av søknadene blir det lagt vekt på den vitskaplege kvaliteten i prosjekta, kor gjennomførleg dei skisserte prosjekta er, og dei faglege grunnkvalifikasjonane hjå søkjarane. Det vil vidare bli lagt vekt på fagstrategiske omsyn, motivasjon og personleg eignaheit. 

Hos oss får du

• Eit støttande og fagleg utfordrande arbeidsmiljø.  
• Høve til å byggje sterke faglege nettverk. 
• Ein trygg og fleksibel arbeidskvardag med gode velferdsordningar. 
• Ein arbeidsstad i hjartet av Bergen – nær både byliv og natur. 
• Løn som stipendiat (stillingskode 1017), som for tida svarar til ei brutto årsløn på kr 568 700,- i full stilling. Vidare lønsopprykk skjer etter ansiennitet i stillinga.
• Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.  

Slik søkjer du stillinga

Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:

• Under «Søknadstekst»: Skriv ei kort utgreiing om dine forskingsinteresser og motivasjon for å søkje stillinga. 
• Under «CV», oppje: 
  • Personalia. 
  • Erfaringar og kvalifikasjonar(fyll inn dei seksjonane som er relevante for deg). Publikasjonar/vitskaplege produksjonar kan leggjast ved som separat dokument dersom ønskjeleg (publikasjonsliste). 
  • Språkferdigheiter. 
  • Minst to referansepersonar. Ein av desse må vere hovudrettleiaren for masteroppgåva eller tilsvarande oppgåve.  
• Under «Vedlegg» lastast følgjande opp som separate dokument: 
  • Prosjektskisse på inntil 12 000 teikn medrekna mellomrom (litteraturliste ikkje medrekna). Prosjektskissa skal tydeleg skildre det vitskapelege prosjektet, inkludert forskingsbakgrunn, hovudproblemstillingar, teori, metode, etiske aspekt og empiri som skal nyttast i prosjektet. Litteraturliste skal følgje prosjektskissa.
  • Framdriftsplan for prosjektet som tek omsyn til karrierefremjande arbeid og ph.d.-programmet sin opplæringsdel. 
  • Karakterutskrift og vitnemål for bachelor- og mastergrad skal lastast opp frå Vitnemålsportalen. Dersom desse ikkje er tilgjengelege via Vitnemålsportalen, skal dei lastast opp som vanlege filer. Dersom omfanget på masteroppgåva ikkje kjem fram av karakterutskrifta eller vitnemålet, må det leggjast ved stadfesting frå den gradgjevande institusjonen som oppgir oppgåva sitt omfang i ECTS. 
  • Kort samandrag av masteroppgåva eller tilsvarande oppgåve (inntil tre sider).  
  • Liste over eventuelle faglege publikasjonar (publikasjonsliste).  
  • Inntil tre fullstendige faglege publikasjonar kan leggjast ved dersom aktuelt.  
  • Relevante attestar som støttar opp under dine kvalifikasjonar, ferdigheiter, erfaringar eller eigenskapar.  

Søknadstekst, CV og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. Namngje vedlegga tydeleg.

Vurderingskomiteen kan i særskilde tilfelle be om ettersending av dokumentasjon. 

Aktuelle søkjarar vil bli inviterte til intervju. 

Nærare om tilsettingsprosessen her.

Formelle reguleringar

• Kandidatar som tidlegare har hatt stipendiatstilling ved Universitetet i Bergen kan ikkje søkje stillinga.  
• Tilsetjingsperioden kan bli redusert for kandidatar som tidlegare har vore tilsett i ei rekrutteringsstilling ved ein annan institusjon.  
• Tilsetjing i stillinga krev at ein har sin daglege arbeidsplass ved Universitetet i Bergen og følgjer gjeldande retningslinjer.  

Generell informasjon:

Utfyllande opplysningar om stillinga kan ein få ved å kontakte senterleiar Rasmus Slaattelid, e-post: rasmus.slaattelid@uib.no, telefon: 48224658.

Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no. 

Internasjonalt senter ved UiB har informasjon om å flytte til Noreg for internasjonale søkjarar. 

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: