Ambulansetenesta i Helse Bergen styrker leiarteamet og søker no etter to assisterande seksjonsleiarar til Ambulanseseksjon Sør/Vest:
- 1 stilling i 100% fast
- 1 stilling i 100% vikariat i 6 månader, med moglegheit for fast tilsetjing
Vi søker deg som ønsker ei operativ leiarrolle tett på drift og medarbeidarar, og som vil vere med å vidareutvikle ei framtidsretta ambulanseteneste prega av kvalitet, samhandling og fagleg styrke.
Om stillinga
Som assisterande seksjonsleiar får du ei sentral rolle i den daglege leiinga av ambulanseseksjonen. Du vil ha ansvar for bemanning, arbeidsplanlegging og tett oppfølging av drift, i nært samarbeid med seksjonsleiar.
Du rapporterer til seksjonsleiar og blir ein del av den utvida leiargruppa i Akuttmedisinsk avdeling. Stillinga inneber jamnleg oppfølging og besøk ved ambulansestasjonane i seksjonen. Hovudsakleg oppmøtestad vil vere Fana og Godvik ambulansestasjon.
Dette er ei stilling for deg som trivst i skjeringspunktet mellom operativ drift, personalleiing og utviklingsarbeid – og som evnar å ta ansvar også i ein travel og uforutsigbar kvardag.
Om ambulanseseksjonen og avdelinga
Ambulansetenesta i Helse Bergen er delt inn i tre seksjonar. Ambulanseseksjon Sør/Vest omfattar ambulansestasjonane i Fana, Godvik, Sotra, Askøy, Os, Fusa og Austevoll. Seksjonen har om lag 120 tilsette og eit årsbudsjett på rundt 90 millionar kroner.
Akuttmedisinsk avdeling er ein del av Kirurgisk serviceklinikk og har i overkant av 370 tilsette. Avdelinga har ansvar for ambulansedrift og naudmeldeteneste i føretaket, og dekker eit vidstrekt geografisk område frå Austevoll i sør til Gulen i nord og Eidfjord i aust. Verksemda omfattar ambulanse, AMK og luftambulanse.
Samhandling med blant anna kommunane og andre samarbeidspartnarar er ein stadig viktigare del av oppdraget. Assisterande seksjonsleiar vil ha ei nøkkelrolle i dette arbeidet, saman med resten av leiinga.
Arbeidsoppgåver
- Bemanning, arbeidsplanlegging og dag-til-dag-styring av tilsette
- Dagleg oppfølging av drift ved ambulansestasjonane
- Ansvar for og oppfølging av elektroniske system, som GAT, Libra og Personalportalen
- Handsaming og oppfølging av elektronisk meldesystem, synergi
- Innhenting og analyse av relevant styringsinformasjon
- Bidra til utvikling av seksjonen i samarbeid med seksjonsleiar
- Stedfortredar for seksjonsleiar ved fråvær
- Avløysar som vakthavande leiar 501
Kvalifikasjonar
- Helsefagleg utdanning med godkjenning i Noreg
- Særleg relevant arbeidserfaring kan kompensere for manglande formell utdanning
- God systemforståing, spesielt innan turnus- og arbeidstidsplanlegging
- Erfaring med GAT eller tilsvarande verktøy er ein fordel
- Leiarerfaring er ønskeleg
- Erfaring frå prehospital teneste og/eller beredskapsarbeid er ønskeleg
- Kjennskap til spesialisthelsetenesta og/eller kommunal helseteneste
- Erfaring med samarbeid på tvers av yrkesgrupper og einingar
- God IKT-kompetanse (Windows og Office-pakka)
- Gode evner til saksførebuing og skriftleg framstilling
- God norskkompetanse, munnleg og skriftleg
- Førarkort klasse B (klasse C1 er ønskeleg)
Personlege eigenskapar
- Trygg og tydeleg i leiarrolla, med evne til å skape tillit og gode relasjonar
- Ansvarsbevisst og robust i møte med krav, press og raske endringar
- Strukturert, strategisk og løysingsorientert, samstundes som du er fleksibel
- Resultatorientert og lojal til felles mål og prioriteringar
- Arbeider godt både sjølvstendig og i team
- Evne til å gi og ta imot konstruktive tilbakemeldingar
- Inkluderande, handlekraftig og med god gjennomføringsevne
Vi tilbyr
- Ei spennande leiarstilling i ei samfunnskritisk og framtidsretta teneste
- Varierte og utfordrande arbeidsoppgåver i eit kompetent fagmiljø
- Gode moglegheiter for fagleg og personleg utvikling
- Løn etter avtale
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Kontaktinformasjon
Tone Daltveit Mosevoll, Seksjonsleiar, 98260414, tone.daltveit.mosevoll@helse-bergen.no
Tommy Nybakk, Avdelingssjef, 41929290, tommy.nybakk@helse-bergen.no
Arbeidssted
Haukelandsveien 22
5009 Bergen
Nøkkelinformasjon:
Arbeidsgiver: Helse Bergen HF
Referansenr.: 5109634759
Stillingsprosent: 100%
Fast, Vikariat
Startdato: 01.06.2026
Søknadsfrist: 17.05.2026