Førsteamanuensis II i amerikansk litteratur

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

Førsteamanuensis II i amerikansk litteratur ved Institutt for framandspråk

Vi søkjer ein engasjert og fagleg sterk kandidat til ei åremålsstilling (ekstraerverv, 20 prosent) som førsteamanuensis II i amerikansk litteratur ved Institutt for framandspråk. Åremålsperioden for stillinga er to år frå tilsetjing. Planlagd oppstart er 1. august 2026 eller etter avtale. 

Eit krav for tilsetjing i ekstraerverv er at ein har ei hovudstilling (minst 50 %) utanfor Universitetet i Bergen i heile åremålsperioden.

Om instituttet 

Institutt for framandspråk har ni fag: arabisk, engelsk, fransk, italiensk, japansk, kinesisk, russisk, spansk språk og latinamerikastudium og tysk. Innanfor desse faga blir det forska på språk, litteratur, historie/samfunn og fagdidaktikk. Instituttet har om lag seksti fast tilsette i vitskaplege stillingar, kring tjue ph.d.- og postdoktorstillingar og elleve administrativt tilsette.

Engelsk er det største faget ved instituttet med fjorten fast vitskapleg tilsette og fleire stipendiatar. Stillingane fordeler seg på disiplinane litteratur (amerikansk og britisk), lingvistikk og fagdidaktikk. 

Arbeidsoppgåver

Den som får stillinga, vil ha ansvar for rettleiing av masterstudentar med masteroppgåva i tillegg til noko eksamensarbeid (skriftleg og munnleg sensur). Andre faglege og administrative oppgåver kan bli lagt inn i stillinga innanfor ramma av stillingsprosenten.

Undervisningsspråk er engelsk og norsk.

Kvalifikasjonar og personlege eigenskapar

Søkjaren må:

• Forskingskompetanse i engelsk, innan litteratur eller amerikanske studiar tilsvarande norsk doktorgrad
• Ha relevant yrkeserfaring frå undervisning innanfor høgare utdanning
• Meistra engelsk skriftleg og munnleg på høgt nivå
• Meistra norsk skriftleg og munnleg på høgt nivå
• Ha erfaring med rettleiing av studentar på masternivå

Det er ein føremon med:

• Kompetanse i engelsk/amerikansk litteraturdidaktikk
• Bakgrunn frå forsking og/eller undervisning i amerikansk litteratur og kultur

Det blir lagt vekt på gode samarbeids- og kommunikasjonsevner, og til å engasjere studentar i læringsprosessen. Personlege eigenskapar blir vektlagd i vurderinga.

Tilsetjing i stillinga krev at ein følger gjeldande retningslinjer. 

Hos oss får du

• Eit godt og fagleg utfordrande arbeidsmiljø. 
• Høve til å byggje sterke faglege nettverk.
• Ein trygg og fleksibel arbeidskvardag med gode velferdsordningar.
• Brutto årsløn på 757 600,- til 785 000,- i full stilling (kode 1011). Vidare lønsopprykk skjer etter ansiennitet i stillinga. For særleg kvalifiserte søkjarar kan det bli aktuelt å vurdera høgare løn. Medlemskap i Statens pensjonskasse, som inneber ei trygg tenestepensjonsordning, høve til uføre- og etterlatnepensjon, og tilgang til gunstige bustadlån.

Slik søkjer du stillinga

Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:

• Under «Søknadstekst»: Skriv kort om motivasjonen din for å søkje stillinga
• Under «CV», oppgi:
  • Personalia.
  • Erfaringar og kvalifikasjonar (fyll inn i dei seksjonane som er relevante for deg).
  • Språkferdigheiter. 
  • Minst tre referansepersonar. Personar som kan vurdere undervisningsarbeid og pedagogiske kvalifikasjonar vil vere særleg relevante.
• Under «Vedlegg» skal du laste følgjande opp som separate dokument:
  • Utdanningsfagleg mappe og refleksjonsnotat. Følg denne lenka for informasjon om og dokumentasjon av pedagogiske kvalifikasjonar.
  • Vitnemål og karakterutskrifter som dokumenterer fullførte grader (skal lastast opp frå Vitnemålsportalen, eller skanna versjon av originalar/rettkjende kopiar av alle vitnemål frå høgare utdanning) og relevante attestar.
  • Fullstendig liste over vitskaplege publikasjonar med lenker til fulltekst.
  • Inntil fem vitskaplege arbeid som det skal takast omsyn til i vurderinga. 

Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. Namngje vedlegga tydeleg.

Aktuelle søkjarar vil bli inviterte til intervju.

Nærare om tilsettingsprosessen her.

Generell informasjon:

Utfyllande opplysningar om stillinga kan ein få ved å kontakte fagkoordinator Astrid Haas for engelsk litteratur, 55 58 51 69 eller e-post astrid.haas@uib.no, eller felles fagkoordinator for engelskfaget Bente Hannisdal, 55 58 31 23 eller e-post bente.hannisdal@uib.no.  

Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søkje Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.