Tilkallingsvikar - Reinhald

Ørsta kommune søkjer etter tilkallingsvikarar til avdeling reinhald. Som tilkallingsvikar må du ha høve til å stille på kort varsel, ved sjukdom eller anna fråvær. 

Tilkallingsvikarar vert tilsett med arbeidsavtale i kortare eller lengre periode. Stillingsstorleik vil variere etter behov. Mynde til å gjere slik tilsetting er delegert til avdelingsleiar.

Behovet for tilkallingsvikarar gjeld på bygg både på Vartdal, Sæbø og i Ørsta sentrum. Vi ber difor om at du i søknaden skriv kvar du kan arbeide.

Arbeidsoppgåver

• Dagleg og periodisk reinhald i kommunale bygg
• Som tilkallingsvikar må du ha høve til å stille på kort varsel - både på dagtid og kveld. Opplæring vert gitt
• Det er ønskjeleg, men ikkje eit krav, at du har førarkort klasse B og disponerer eigen bil

Kvalifikasjonar

• Det vert ikkje stilt krav om særskilt utdanning, men erfaring frå reinhald er ønskjeleg
• Du må beherske norsk skriftleg og munnleg

Personlege eigenskapar

Vi ynskjer at du:

• Kan arbeide sjølvstendig
• Har gode evner til samarbeid
• Er ansvarsbevisst, fleksibel og har ordenssans
• Er engasjert og løysingsorientert 

Vi tilbyr

Som tilkallingsvikar hos oss får du ein variert arbeidsdag og eit godt kollegium, møte mange nye menneske og får med deg ei god arbeidserfaring vidare i arbeidslivet.

Ørsta kommune har gode forsikringsordningar i KLP for sine tilsette.  Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon.

Stillingane er plassert i kap. 4 gr. 1

Tilsetting elles i samsvar med gjeldande lov- og regelverk.

Intern søkjar

Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Agnieszka Papierska, Avd.leiar reinhald, 95 04 63 69, agnieszka.papierska@orsta.kommune.no

Arbeidsstad

Håkonsgata 78

6150 Ørsta

Nøkkelinformasjon:

Arbeidsgivar: Ørsta kommune

Referansenr.: 5090792066

Stillingsprosent: 0%

Vikar

Søknadsfrist: 31.05.2026